नवी दिल्ली - कोरोनावर मात करण्यासाठी जगभरामध्ये युद्ध पातळीवर प्रयत्न करण्यात येत आहेत. कोरोना विषाणूच्या प्रसरारामुळे जगावर आरोग्य आणीबाणी आली असून तब्बल 180 पेक्षा जास्त देशांमध्ये कोरोनाचे रुग्ण आढळून आले आहेत. भारतामध्ये 53 लाख कोरोना रुग्ण आढळले असून कोरोना रुग्णसंख्येत ब्राझिलला मागे टाकून भारत दुसऱ्या क्रमांकावर आला आहे. गेल्या 24 तासांमध्ये भारतात 93 हजार 337 कोरोना रुग्ण आढळले असून 1 हजार 247 जणांचा मृत्यू झाला आहे.
देशातील एकूण कोरोनाबाधित रुग्णांची संख्या 53 लाख 8 हजार 15 वर पोहचली आहे. तसेच विविध रुग्णालयामध्ये 10 लाख 13 हजार 964 रुग्णांवर उपचार सुरु आहेत. तर 42 लाख 8 हजार 432 रुग्ण उपचारानंतर कोरोनामुक्त झाले आहेत. तसेच आतापर्यंत 85 हजार 619 जणांचा मृत्यू झाला आहे. देशात महाराष्ट्र, तामिळनाडू आणि कर्नाटकमध्ये सर्वांत जास्त कोरोनाचे बळी गेले आहेत.
कोरोचा प्रसार झाला, तेव्हा भारतामध्ये फक्त एकाच प्रयोगशाळेतून कोरोना चाचणी करण्यात येत होती. मात्र, आता देशात 1 हजार 768 प्रयोगशाळेत कोरोना चाचण्या घेण्यात येत आहेत. यामध्ये 1 हजार 60 सरकारी तर 708 खासगी प्रयोगशाळा आहेत. आतापर्यंत 6 कोटी 24 लाख 54 हजार 254 चाचण्या घेण्यात आल्या आहेत. शुक्रवारी एकाच दिवसात 8 लाख 81 हजार 911 चाचण्या पार पडल्या आहेत.
जगभरामध्ये गेल्या 24 तासामध्ये तब्बल 5 हजार 795 जणांचा मृत्यू झाला असून 3 लाख 36 हजार 772 बाधित रुग्ण आढळले आहेत. एकूण, 3 कोटी 6 लाख 85 हजार 288 कोरोनाबाधित रुग्ण आढळले असून 9 लाख 55 हजार 695 जणांचा मृत्यू झाला आहे. तर 2 कोटी 23 लाख 27 हजार 237 जण कोरोनातून मुक्त झाले आहेत.
