बंगळुरू - देशभरात लोकसभा निवडणुकांचे वातावरण शिगेला पोहोचले आहे. त्यापार्श्वभूमीवर विविध पक्षांचे उमेदवार संपूर्ण ताकद लावून प्रचार करत आहेत. त्याप्रमाणेच कर्नाटकातील चिकबल्लापूर या लोकसभा मतदारसंघातील प्रचारादरम्यान काँग्रेसचे एम. टी. बी. नागराज यांनी केलेला नागिन डान्स सध्या चर्चेचा विषय ठरला आहे. त्यांचा हा नागिन डान्स समाज माध्यमांवर चांगलाच व्हायरल झाला आहे.
कर्नाटकमध्ये दुसऱ्या आणि तिसऱ्या टप्प्यामध्ये लोकसभेच्या २८ जागांसाठी मतदान होणार आहे. त्यासाठी सर्वच उमेदवार प्रचार करत आहेत. बुधवारी चिकबल्लापूर मतदार संघाच्या होस्कोटे येथे काँग्रेसची रॅली होती. दरम्यान आमदार नागराजन यांनी नागीन गाण्यातील संगितावर चांगलाच ठेका धरला. त्यात ते दोन्ही हातांचा नाग करुन नाचताना दिसतात. त्यांच्या या नाचण्याचा व्हिडिओ सर्वत्र व्हायरल झाला आहे.
कर्नाटकातील चिकबल्लापूर या मतदारसंघात १८ तारखेला मतदान होणार आहे. येथे काँग्रेसच्या तिकिटावर विरप्पा मोईली निवडणूक लढवत आहेत. त्यांच्याच प्रचारातील हा व्हिडिओ आहे.
