नवी दिल्ली - सुप्रसिद्ध लेखक आणि काँग्रेसचे नेते शशी थरुर यांनी एक छायाचित्र ट्विट केले आहे. या छायाचित्रात शशी थरूर शेक्सपियरसारखे दिसत आहेत. त्यांचे हे छायाचित्र सध्या प्रचंड व्हायरल झाले आहे.
शशी थरूर यांचे हे छायाचित्र अज्ञात व्यक्तीने तयार करून सोशल मीडियावर पोस्ट केले. ते छायाचित्र पाहून शशी थरूर इतके उत्सुक झाले की, त्यांनी आपल्या टि्वटरवर ते शेअर केले.
यापूर्वी शशी थरुर यांचा एक व्हिडिओ प्रचंड व्हायरल झाला होता. एका कार्यक्रमात व्याख्यान देताना शशी थरुर यांना एका विद्यार्थिनीने प्रश्न विचारला की व्यापारी म्हणून इंग्रज भारतात आलेच नसते तर काय घडले असते? त्यावर शशी थरुर यांनी व्यापारी म्हणून इंग्रज भारतात आलेच नसते तर देशावर मराठ्यांचे राज्य असते असे उत्तर दिले होते.
