रांची : जागतिक आदिवासी दिनाच्या निमित्ताने हरियाणाचे मुख्यमंत्री हेमंत सोरेन यांनी वृक्षारोपण केले. मोरहाबादीमध्ये असणाऱ्या नीलांबर-पीतांबर पार्कमध्ये हा कार्यक्रम पार पडला. विशेष म्हणजे, यावेळी मुख्यमंत्र्यांनी आपला पारंपारिक आदिवासी पेहराव परिधान केला होता. तसेच, त्यांनी ढोल वाजवत आदिवासी दिनाच्या शुभेच्छा दिल्या.
जागतिक आदिवासी दिनानिमित्त हेमंत सोरेन यांनी केले वृक्षारोपण..
आदिवासी दिनानिमित्त आता मिळणार सुट्टी -
याप्रसंगी बोलताना हेमंत सोरेन यांनी जाहीर केले, की यापुढे दरवर्षी जागतिक आदिवासी दिनानिमित्त राज्यात सरकारी सुट्टी राहील. तसेच, वृक्षारोपण करत त्यांनी असा विश्वास व्यक्त केला, की वृक्षांची आपल्यावर वर्षानुवर्षे जशी कृपा राहिली आहे ती यापुढेही अबाधित राहील.
