नवी दिल्ली - पंतप्रधान नेरेंद्र मोदी यांच्या नेतृत्वातील केंद्र सरकारने आठ कॅबिनेट समित्यांची स्थापना केली आहे. या समित्यांमध्ये गृहमंत्री अमित शाह यांचाही समावेश करण्यात आला आहे. अमित शाह आणि पंतप्रधान मोदी हे सर्वच समित्यांचे सदस्य असणार आहेत.
केंद्रीय कॅबिनेटच्या बैठकीत या समित्यांची स्थापना करण्यात आली आहे. यात मंत्रीमंडळ नियुक्ती समिती, सुरक्षा समिती, राजकीय कामकाज समिती, आर्थिक कामकाज समिती, संसदीय कामकाज समिती, निवासी कामकाज समिती, गुंतवणूक समिती, रोजगार तथा कौशल्य विकास समिती इत्यादी समित्यांचा समावेश आहे.
या ८ समित्यांपैकी ६ समित्यांचे अध्यक्षपद मोदींनी स्वत:कडे ठेवलेले आहे. तर गृहमंत्री अमित शाह हे या सर्व ८ समित्यांचे सदस्य आहेत.
