कमरेपर्यंतच्या बर्फातूनही काढली वाट; लष्कराने वाचवले गर्भवती महिलेचे प्राण

भारतीय लष्कराच्या 'खैरियत' पथकाने एका गर्भवती महिलेचे प्राण वाचवल्याची घटना समोर आली आहे. लष्कराने तिला स्ट्रेचरवर उचलून नेत कितीतरी किलोमीटर दूर असलेल्या रुग्णालयात दाखल केले. जवानांनी घेतलेल्या या मेहनतीमुळे ती महिला वेळेत रुग्णालयात पोहोचली आणि तिने एका सुदृढ बालकाला जन्म दिला.

श्रीनगर - भारतीय लष्कराच्या 'खैरियत' पथकाने एका गर्भवती महिलेचे प्राण वाचवल्याची घटना समोर आली आहे. या महिलेला प्रसूती-संबंधी त्रास जाणवू लागल्यामुळे तिचे आणि तिच्या बाळाचे आयुष्य धोक्यात आले होते. तेव्हा तिच्या मदतीला धावलेल्या लष्कराने तिला स्ट्रेचरवर उचलून नेत कितीतरी किलोमीटर दूर असलेल्या रुग्णालयात दाखल केले. जवानांनी घेतलेल्या या मेहनतीमुळे ती महिला वेळेत रुग्णालयात पोहोचली आणि तिने एका सुदृढ बालकाला जन्म दिला.

• #HumsaayaHainHum 🇮🇳🍁
  During heavy snowfall, an expecting mother Mrs Shamima, required emergency hospitalisation. For 4 hours over 100 Army persons & 30 civilians walked with her on stretcher through heavy snow. Baby born in hospital, both mother & child doing fine. #VRWithU4U pic.twitter.com/BpDcXRvuUH

  — Chinar Corps - Indian Army (@ChinarcorpsIA) January 14, 2020 " class="align-text-top noRightClick twitterSection" data="

  #HumsaayaHainHum 🇮🇳🍁
  During heavy snowfall, an expecting mother Mrs Shamima, required emergency hospitalisation. For 4 hours over 100 Army persons & 30 civilians walked with her on stretcher through heavy snow. Baby born in hospital, both mother & child doing fine. #VRWithU4U pic.twitter.com/BpDcXRvuUH

  — Chinar Corps - Indian Army (@ChinarcorpsIA) January 14, 2020

  ">

  #HumsaayaHainHum 🇮🇳🍁
  During heavy snowfall, an expecting mother Mrs Shamima, required emergency hospitalisation. For 4 hours over 100 Army persons & 30 civilians walked with her on stretcher through heavy snow. Baby born in hospital, both mother & child doing fine. #VRWithU4U pic.twitter.com/BpDcXRvuUH

  — Chinar Corps - Indian Army (@ChinarcorpsIA) January 14, 2020

मंगळवारी लष्कराच्या या पथकाला दर्द पोरा गावात राहणाऱ्या रियाज मीर यांचा फोन आला. फोनवर त्यांनी सांगितले की त्यांच्या पत्नीला प्रसूतीकळा येत आहेत आणि हिमवर्षावामुळे रस्ते बंद झाल्यामुळे आम्ही तिला रुग्णालयात नेऊ शकत नाही. यादरम्यान त्या महिलेला प्रसूतीसंबंधी त्रास जाणवू लागला होता. त्यामुळे तिला लवकरात लवकर रुग्णालयात दाखल करणे आवश्यक होते.

फोनवर ही माहिती मिळताच बेस कमांडर यांनी तत्काळ लष्कराच्या या तुकडीला पाचारण केले. ही तुकडी कमरेपर्यंतच्या बर्फामधून वाट काढत साधारणपणे पाच किलोमीटर दूर असलेल्या या गावात पोहोचली. त्यांच्यासोबत स्थानिक वैद्यकीय अधिकारीही होते. तिथे त्यांना समजले की, महिलेला रुग्णालयात नेणे अत्यावश्यक आहे. हे समजताच जवानांनी तातडीने निर्णय घेत,आपल्या पथकाच्या तीन तुकड्या केल्या.

पहिली तुकडी ही पुढे जाण्यासाठी रस्ता मोकळा करत होती. दुसरी तुकडी ही हेलिपॅडपर्यंतच्या रस्त्यावरील बर्फ हटवत होती. तर तिसऱ्या तुकडीने कानिस्पोरा पर्यंतचा रस्ता मोकळा केला. यादरम्यान हे जवान तिला स्ट्रेचरवरून उचलून नेत होते. लष्कराचे तब्बल १०० जवान आणि २५ स्थानिक नागरिक हे या बचावकार्यात कार्यरत होते. एकूण सहा तास हे सर्व मेहनत घेत होते.

लष्कराने घेतलेल्या या मेहनतीमुळे, ती महिला वेळेत रुग्णालयात पोहोचू शकली आणि तिने एका सुदृढ बाळाला जन्म दिला आहे.

हेही वाचा : Jamia CAA, NRC protest: 'सरकारने आमच्या डीएनएवरून ओळख पटवावी'