डेहराडून - बद्रीनाथ धामाचे दरवाजे आज 3 वाजून 35 मिनिटांनी बंद करण्यात आले आहे. 12 ज्योतिर्लिंगापैकी एक असलेले बद्रीनाथ मंदिराचे दरवाजे हिवाळी हंगामामुळे भाविकांच्या दर्शनासाठी बंद ठेवण्यात येतात. दरवाजे बंद झाल्यानंतर प्रशासकीय परवानगीशिवाय हनुमान चट्टीच्या पुढे जाण्याची परवानगी नसते.
बद्रीनाथ मंदिराचे दरवाजे 15 मेला उघडण्यात आले होते. आद्य शंकराचार्य यांनी 9व्या शतकात बद्रीनाथची पुनर्स्थापना केली. बद्रीनाथ हे हिंदू धर्मामधील सर्वात पवित्र स्थानांपैकी एक असून ते चार धाम पैकी आहे. येथील बद्रीनाथ मंदिराला दरवर्षी सुमारे लाख भाविक भेट देतात.
विष्णूचे हिंदू मंदिर -
बद्रीनाथ मंदिर हे उत्तराखंड राज्यातील बद्रीनाथ गावामधील एक विष्णूचे हिंदू मंदिर आहे. हिंदू धर्मामधील सर्वात मानाच्या पवित्र चार धाम तीर्थक्षेत्रांपैकी बद्रीनाथ मंदिर एक आहे. समुद्रसपाटीपासून 3,133 मी (10,279 फूट) उंचीवर उत्तराखंडच्या चामोली जिह्यात अलकनंदा नदीच्या काठावर असलेले हे मंदिर केवळ काही महिने दर्शनासाठी खुले असते.
