डुंगरपूर (राजस्थान) Amit Shah On INDIA Alliance : केंद्रीय गृहमंत्री अमित शाह यांनी रविवारी विरोधी पक्ष इंडिया आघाडीवर जोरदार प्रहार केलाय. तसंच विरोधक 'सनातन धर्माचा' अपमान करत असल्याचा आरोप शाह यांनी केलाय. ते राजस्थानमध्ये विधानसभा निवडणुकीपूर्वी भारतीय जनता पक्षाच्या 'परिवर्तन संकल्प यात्रे'च्या उद्घाटन प्रसंगी बोलत होते. अमित शाह यांनी राजस्थानचे मुख्यमंत्री अशोक गेहलोत यांच्यावरही निशाणा साधलाय.
'सनातन धर्मा'चा अपमान : "गेल्या दोन दिवसांपासून इंडिया आघाडी 'सनातन धर्मा'चा अपमान करत आहे. द्रमुक, काँग्रेसचे नेते केवळ व्होट बँकेच्या राजकारणासाठी 'सनातन धर्म' संपवण्याची भाषा करत आहेत. आमच्या 'सनातना' धर्माचा अपमान करण्याची ही पहिलीच वेळ नाही. याआधी विरोधकांनी अनेकदा सनातन धर्माचा अपमान केलाय. 'सनातन धर्म' समता, सामाजिक न्यायाच्या विरोधात आहे, असा आरोप तामिळनाडूचे मंत्री स्टॅलिन केलाय. शाह म्हणाले की, तामिळनाडूच्या मुख्यमंत्र्यांच्या मुलासह द्रमुकचे नेते 'सनातन धर्म' मुळासकट उपटून टाकायला हवा, असं म्हणत आहेत. "हे लोक व्होट बँकच्या राजकारणासाठी 'सनातन धर्मा'बद्दल बोलत आहेत. त्यांनी 'सनातन धर्म'चा अपमान केला आहे," असा आरोप शाह यांनी केलीय.
अर्थसंकल्पावर पहिला अधिकार गरिबांचा : पुढे बोलताना शाह म्हणाले की, माजी पंतप्रधान मनमोहन सिंग यांनीही अर्थसंकल्पावर पहिला अधिकार अल्पसंख्याकांचा आहे, असं म्हटलं होतं. मात्र, आमचं सरकार पहिला अधिकार गरीब, आदिवासी, दलित, मागासवर्गीयांचा असल्याचं म्हणतय, असं शाह यांनी म्हटलं आहे. शाह आज राजस्थानमध्ये परिवर्तन यात्रेच्या शुभारंभप्रसंगी डुंगरपूर येथे जाहीर सभेला संबोधित करत होते.
राहुल गांधींवर टीका : केंद्रीय गृहमंत्र्यांनी काँग्रेसचे माजी अध्यक्ष राहुल गांधी यांच्यावर हिंदू संघटनांची तुलना 'लष्कर-ए-तैयबा' या दहशतवादी संघटनेशी केल्याबद्दलही हल्लाबोल केला. "आज काँग्रेस पक्ष म्हणतो जर भाजपा सत्तेत आली, तर सनातन धर्म राज्य करेल. राहुल गांधी म्हणाले की, हिंदू संघटना लष्कर-ए-तैयबापेक्षा घातक आहेत. राहुल गांधींनी हिंदू संघटनांची तुलना लष्कर-ए-तैयबाशी केली. त्यामुळं काँग्रेसचा डाव लक्षात घेतला पाहीजे असं शाह यांनी म्हटलं आहे.
राजस्थानमध्ये भाजपा सरकार : "राजस्थानचे मुख्यमंत्री अशोक गेहलोत लाल रंगाचे कपडे घालून लाल डायरी पाहतात असा आरोप शाहांनी केला. त्या लाल डायरीत खाणकाम, कालीसिंध, शिक्षकांच्या घोटाळ्यांचा तपशील आहे,". राजस्थानमध्ये पुढील सरकार भाजपाच स्थापन करेल, असा विश्वासही शाह यांनी व्यक्त केलाय. "आज परिवर्तन यात्रेची दुसरी 'यात्रा' काढण्यात येत आहे. भाजपाची ही यात्रा सुमारे 2 हजार 500 असून 19 दिवस चालणार आहे. या माध्यामातून 52 विधानसभा मतदारसंघांशी संपर्क साधण्यात येणार आहे. 'परिवर्तन यात्रा' संपल्यावर अशोक गेहलोत सरकार यांचा सरकार जाईल," असं अमित शाह म्हणाले.
हेही वाचा -
