अजमेर ( राजस्थान ) : अजमेरच्या दर्गा पोलीस स्टेशनमधील हिस्ट्री शीटर ( ajmer Dargah police station history sheeter ) सलमान चिश्तीचा एक व्हिडिओ सोशल मीडियावर व्हायरल होत ( Salman Chishti threatening Video to Nupur Sharma ) आहे. त्या व्हिडिओमध्ये तो नुपूर शर्माला जीवे मारण्याची धमकी देत आहे. यासोबतच नुपर शर्माचा गळा कापणाऱ्या व्यक्तीला त्याचे घर आणि संपत्ती बक्षीस देण्याची घोषणाही त्याने केली आहे. या व्हायरल व्हिडिओची माहिती मिळताच अप्पर पोलिस अधीक्षक विकास सांगवान यांनी दर्गा पोलिस स्टेशनला आरोपीवर कारवाई करण्याचे निर्देश दिले आहेत.
गुन्हा दाखल, अटक करण्याचे आदेश : अजमेर दर्गा पोलीस स्टेशन हद्दीतील हिस्ट्री शीटर सलमान चिश्ती याने धमकी दिली आहे. यामध्ये नुपूर शर्माला जीवे मारण्याची धमकी देण्यासोबतच, जो कोणी तिचा शिरच्छेद करेल त्याला आपले घर आणि मालमत्ता देण्याची घोषणा केल्याचा व्हिडिओ सोशल मीडियावर व्हायरल होत आहे. पोलिसांनी व्हायरल झालेला व्हिडिओ गांभीर्याने घेतला आहे. अप्पर पोलिस अधीक्षक विकास सागवान यांनी आरोपी सलमान चिश्तीविरुद्ध दर्गा पोलिस ठाण्यात गुन्हा दाखल करून त्याला अटक करण्याचे निर्देश दिले आहेत. आरोपी सय्यद सलमान हा चिश्ती दर्ग्यात खादिम असल्याचे सांगण्यात येत आहे. त्याने नुपर शर्माला धमकावणारा व्हिडिओही यूट्यूबवर टाकला. दर्गा परिसरातच त्याच्या ओळखीच्या व्यक्तींच्या व्हॉट्सअॅप ग्रुपवरही हा व्हिडिओ व्हायरल झाला होता. व्हायरल झालेला व्हिडिओ 6 दिवसांपूर्वी बनवला होता.
आरोपींविरुद्ध 15 हून अधिक गुन्हे : दर्गा स्टेशनचे प्रभारी दलबीर सिंह यांनी सांगितले की, आरोपी सलमान चिश्ती हा दर्गा पोलिस स्टेशनचा हिस्ट्री शीटर आरोपी आहे. आरोपी सलमान चिश्ती याच्यावर 15 हून अधिक गंभीर स्वरूपाचे गुन्हे पोलीस ठाण्यात दाखल आहेत. त्यात दोन खुनाचे आणि दोन जीवघेण्या हल्ल्याचे गुन्हेही दाखल आहेत. आरोपी हा अंमली पदार्थांचा व्यसनी आहे. आरोपीच्या अटकेसाठी दर्गा पोलिस ठाण्याचे प्रयत्न सुरू आहेत. याच दर्गा पोलीस ठाण्यात आरोपी सलमान चिश्ती याच्याविरुद्ध व्हायरल झालेल्या व्हिडीओसंदर्भात विविध कलमान्वये गुन्हा दाखल करण्यात येत आहे.
हेही वाचा : Nupur Sharma : नुपूर शर्माला सर्वोच्च न्यायालयाने फटकारले.. टीव्हीवर संपूर्ण देशाची माफी मागण्याचे आदेश
