नवी दिल्ली : आम आदमी पक्षाचे आमदार अमानतुल्ला खान ( aap mla amanatullah khan ) यांचा व्यावसायिक भागीदार हमीद अली याला दिल्लीच्या दक्षिण पूर्व जिल्ह्यातील पोलिसांनी शस्त्रास्त्र कायद्याप्रकरणी अटक ( amanatullah khan business partner hamid ali arrested ) केली आहे. दिल्ली वक्फ बोर्डाशी संबंधित भ्रष्टाचाराच्या प्रकरणी एसीबीने शुक्रवारी छापेमारी केली होती. त्यादरम्यान खानचा व्यावसायिक भागीदार हमीद अली याच्या ठिकाणावरही छापे टाकण्यात आले होते आणि त्यादरम्यान 12 लाखांची रोकड जप्त करण्यात आली होती. त्याच्या घरातून पिस्तूलसह गोळीही जप्त करण्यात आली. आता याप्रकरणी कारवाई करत दिल्लीच्या दक्षिण पूर्व जिल्ह्याच्या पोलिसांनी हमीद अलीला अटक केली आहे.
दिल्लीच्या दक्षिण पूर्व जिल्हा पोलिसांनी शुक्रवारी दिल्ली वक्फ बोर्डाच्या भ्रष्टाचाराच्या प्रकरणाच्या तपासादरम्यान एसीबीने टाकलेल्या छाप्यात तीन स्वतंत्र एफआयआर नोंदवले आहेत, ज्यामध्ये शस्त्रास्त्र कायद्यासंदर्भात दोन गुन्हे दाखल करण्यात आले आहेत, तर त्याचवेळी याप्रकरणी गुन्हा दाखल करण्यात आला आहे. दक्षिण पूर्व जिल्ह्यातील जामिया नगर पोलीस ठाण्यात तिन्ही गुन्हे दाखल करण्यात आले आहेत. याच प्रकरणात आम आदमी पक्षाचे आमदार अमानतुल्ला खान यांचा व्यवसाय भागीदार हमीद अली याला दिल्लीच्या दक्षिण पूर्व जिल्ह्याच्या पोलिसांनी शस्त्रास्त्र कायद्याखाली अटक केली आहे.
दिल्ली वक्फ बोर्डाशी संबंधित भ्रष्टाचार प्रकरणी ACB (अँटी करप्शन ब्युरो) ने शुक्रवारी छापे टाकले. त्यादरम्यान अमानतुल्ला खानचा व्यावसायिक भागीदार हमीद अली याच्या ठिकाणावरही छापे टाकण्यात आले आणि त्यादरम्यान त्याच्या घरातून पिस्तूल आणि गोळ्यांसह १२ लाखांची रोकड जप्त करण्यात आली. आता याप्रकरणी कारवाई करत दक्षिण पूर्व पोलिसांनी हमीद अलीला अटक केली आहे.
दक्षिण पूर्व पोलिसांना मिळालेल्या माहितीनुसार, भ्रष्टाचाराच्या एका प्रकरणात एसीबीने शुक्रवारी छापा टाकला. या छाप्याबाबत दिल्लीतील जामिया नगर पोलीस ठाण्यात तीन स्वतंत्र एफआयआर नोंदवण्यात आले आहेत. पोलिसांकडून मिळालेल्या माहितीनुसार, जामिया नगर येथील रहिवासी 54 वर्षीय हमीद अली यांच्या विरोधात पहिला एफआयआर दाखल करण्यात आला असून त्याला शस्त्रास्त्र कायद्याखाली अटक करण्यात आली आहे. त्याच्या घरातून अवैध शस्त्रे आणि जिवंत काडतुसे जप्त करण्यात आली आहेत. दुसरीकडे, जोगाबाई रहिवासी कौसर इमाम सिद्दीकी उर्फ लद्दन याच्याविरुद्ध शस्त्रास्त्र कायद्यांतर्गत दुसरा एफआयआर दाखल करण्यात आला आहे. मात्र, सिद्दिकीला अद्याप अटक करण्यात आलेली नाही. त्याचवेळी एसीबीच्या छाप्यात सरकारी कामात अडथळा आणल्याप्रकरणी तिसरा एफआयआर दाखल करण्यात आला आहे. एसीबीच्या छाप्यादरम्यान याला विरोध करणाऱ्यांची पोलिसांकडून ओळख पटवली जात असून, त्यांच्यावर कायदेशीर कारवाई केली जाईल.
