उदयपूर (राजस्थान) - उदयपूर जिल्ह्यातील गोगुंडा पोलीस स्टेशन परिसरात सोमवारी एक खळबळजनक घटना उघडकीस आली आहे. येथे एकाच कुटुंबातील ६ जणांचा मृत्यू झाला आहे. (6 people from same family died). घरातून पती-पत्नीसह चार निष्पापांचे मृतदेह सापडले. घटनेची माहिती मिळताच पोलिसांनी घटनास्थळ गाठून मृतदेह ताब्यात घेतला. त्याचवेळी घटनेची माहिती मिळताच ग्रामस्थही मोठ्या संख्येने घटनास्थळी पोहोचले. सीआय योगेंद्र व्यास यांनी सांगितले की, गोगुंडा पोलिस स्टेशन हद्दीतील झाडोली येथील गोल नेदी गावातील ही घटना आहे. त्यांनी सांगितले की, पोलीस या प्रकरणाचा तपास करत आहेत. सध्या मृत्यूचे कारण समोर आलेले नाही. (6 people died in Udaipur).
कुटुंबप्रमुख मानसिकदृष्ट्या अस्वस्थ होता - या घटनेबाबत झाडोलीचे सरपंच म्हणाले की, सोमवारी सकाळी ग्रामपंचायतीमध्ये आल्यानंतर त्यांना हा प्रकार समजला. सकाळी प्रकाशच्या घरात कोणतीही हालचाल दिसली नाही. तेव्हा शेजाऱ्यांनी घरात जाऊन पाहिले असता त्यांना सर्वांचे मृतदेह दिसले. गेल्या चार-पाच महिन्यांपासून प्रकाश हा मानसिकदृष्ट्या अस्वस्थ होता, असे उदयपूरचे एसपी विकास शर्मा यांनी सांगितले. प्राथमिक तपासात आत्महत्येचे प्रकरण समोर आले आहे. कुटुंब प्रमुखाने सर्वांची हत्या करून आत्महत्या केली असावी, असा ही संशय आहे. सध्या पोलिसांनी घटनास्थळी श्वानपथक आणि एफएसएल टीमला पाचारण केले आहे. मृतांमध्ये प्रकाशचे वडील सोहनलाल गमेती, त्यांची पत्नी दुर्गा, 5 वर्षांचा गणेश, 4 वर्षांचा पुष्कर, 2 वर्षांचा रोशन, 4 महिन्यांचा गंगाराम या मुलांचा समावेश आहे.
आत्महत्याच असल्याचा पोलीसांना संशय - एसपी विकास शर्मा यांनी सांगितले की, प्राथमिक माहितीनुसार, प्रकाश गमेतीने आधी आपल्या मुलांचा आणि पत्नीचा गळा दाबून खून केला आणि नंतर गळफास लावून घेतला. पोलीस घटनास्थळी पोहोचले असता, प्रकाश गमेती आणि त्यांच्या दोन मुलांचे मृतदेह लटकलेल्या अवस्थेत आढळून आले. त्यांची पत्नी दुर्गा आणि दोन मुलांचे मृतदेह जमिनीवर पडले होते. त्याचाही गळा आवळून खून करण्यात आला. तीन महिन्यांपूर्वी प्रकाश सुरतहून घरी आल्याचे समोर आले आहे. पोलिस प्राथमिकतेने हे आत्महत्येचे प्रकरण मानत आहेत.
