डेहराडून : उत्तराखंडमधील चारधाम यात्रेदरम्यान तरुणांचे हृदय कमजोर पडू लागले आहे. होय, प्रवासादरम्यान 30 ते 40 वयोगटातील तरुणांनाही हृदयविकाराच्या तक्रारी येत आहेत. तर दुसरीकडे या प्रकरणी आरोग्य विभागाकडून या मृत्यूंना आळा घालण्यासाठी प्रयत्न सुरू असल्याचे दिसून येत आहे. चारधाम यात्रा सुरू होऊन अवघे काही दिवस झाले असताना ही स्थिती आहे. चारधाम यात्रेत कालपर्यंत 29 यात्रेकरूंचा मृत्यू झाला होता. आता आणखी दोघांचा मृत्यू झाला आहे. त्यामुळे मृतांची संख्या 31 वर पोहोचली. 31 मृत्यूंपैकी 29 मृत्यू हृदयविकाराच्या झटक्याने झाले.
उत्तराखंडमधील चारधाम यात्रा 2022 मध्ये ज्या प्रकारे मृत्यूच्या घटना तीव्र झाल्या आहेत. त्याबाबत भारत सरकारने राज्याकडून अहवालही मागवला आहे. आतापर्यंत २९ भाविकांचा मृत्यू झाल्याची परिस्थिती आहे. मरण पावलेल्यांमध्ये 30 वर्षांच्या तरुणांपासून ते 75 वर्षांपर्यंतच्या वृद्धांचा समावेश आहे. मिळालेल्या माहितीनुसार, केदारनाथमध्ये आतापर्यंत 11 भाविकांचा मृत्यू झाला आहे. बद्रीनाथमध्ये 5, गंगोत्रीमध्ये 3 आणि यमुनोत्रीमध्ये 11 जणांचा मृत्यू झाला आहे.
आकडेवारीवर नजर टाकली तर 30 ते 40 वयोगटातील 3 भाविकांना आपला जीव गमवावा लागला आहे. तसेच 40 वर्षांवरील आणि 50 वर्षांपर्यंतच्या 4 यात्रेकरूंना आपला जीव गमवावा लागला आहे. 50 ते 60 वयोगटातील 8 भाविकांना आपला जीव गमवावा लागला आहे. तर 76 वर्षांपर्यंतच्या 13 रुग्णांना आपला जीव गमवावा लागला आहे. यमुनोत्री पादचारी मार्ग आणि केदारनाथमध्ये सर्वाधिक मृत्यू झाले आहेत.
केदारनाथ यात्रेत 11 यात्रेकरूंचा मृत्यू - केदारनाथ यात्रेतील मृतांची संख्या वाढत आहे. या प्रवासादरम्यान आतापर्यंत 11 जणांचा मृत्यू झाला आहे. यामध्ये खड्ड्यात पडून एकाचा मृत्यू झाला आहे. तर, इतर प्रवाशांचा हृदयविकाराचा झटका आणि थंडीमुळे मृत्यू झाल्याचे सांगण्यात येत आहे. त्याचबरोबर केदारनाथ धाममधील यात्रेकरूंची प्रकृती खालावल्याने हेलिकॉप्टरने गुप्तकाशीला रवाना करण्यात आले असून, वेळीच उपचार मिळाल्याने अनेक यात्रेकरूंचे प्राणही वाचले आहेत.
गुरुवारीही केदारनाथ पादचारी रस्त्यावरील लिंचौलीजवळ हमीरपूर बुंदेलखंड (उत्तर प्रदेश) जिल्हा येथील रहिवासी कालका प्रसाद गुप्ता यांची प्रकृती अचानक बिघडली. त्यांची प्रकृती खालावल्यानंतर डीडीआरएफच्या टीमने प्रवाशाला गौरीकुंड रुग्णालयात आणले. प्रवाशाची प्रकृती पाहून डॉक्टरांनी त्यांना मृत घोषित केले. मुख्य वैद्यकीय अधिकारी बिदेश शुक्ला यांनी सांगितले की, यात्रा मार्गावर आतापर्यंत दहा यात्रेकरूंचा मृत्यू झाला आहे. यातील एका प्रवाशाचा दरित पडून मृत्यू झाला, तर इतर प्रवाशांचा हृदयविकाराच्या झटक्याने मृत्यू झाला असावा.
ते म्हणाले की, गौरीकुंड ते केदारनाथ धामपर्यंत 16 डॉक्टर तैनात करण्यात आले आहेत. यात्रा मार्गावर 12 एमआरपी आहेत. धाम येथील 3 सिक्स सिग्मा, 4 विवेकानंद हॉस्पिटल व्यतिरिक्त एक फिजिशियन आणि एक डॉक्टर आरोग्य विभागाकडून तैनात करण्यात आला आहे. केदारनाथ यात्रेला आजारी भाविकांनी येऊ नये, असे ते म्हणाले. काही यात्रेकरू असेही येत आहेत ज्यांच्यावर शस्त्रक्रिया करावी लागणार असून ते डॉक्टरांच्या सांगण्याशिवाय केदारनाथला पोहोचत आहेत.
काय म्हणाले आरोग्य डीजी? उत्तराखंडच्या आरोग्य महासंचालक शैलजा भट्ट यांनी सांगितले की, रुग्णालयात एकाही भाविकाचा मृत्यू झाला नाही. प्रवासी मार्गावर सर्वांचा मृत्यू झाला आहे. आरोग्य विभागाचे दुर्लक्ष मानायला डीजी आरोग्यही तयार नाहीत. तर प्रवासी मार्गांवरील आरोग्य व्यवस्था बिकट असल्याची परिस्थिती आहे. प्रवाशांना इमर्जन्सी साठी डॉक्टरही नाही. खुद्द मुख्य सचिवांनी उत्तराखंडमध्ये हृदयरोग तज्ज्ञांची कमतरता असल्याचे सांगितले आहे. अशा स्थितीत आता आरोग्य महासंचालकांचे हे विधान अत्यंत बेताल आहे.
यमुनोत्री धाममध्ये आतापर्यंत झालेले मृत्यू -
- अनुरुद्ध प्रसाद (वय 65 वर्ष), उत्तर प्रदेश.
- कैलाश चौबीसा (वय 63 वर्ष), राजस्थान.
- सकून पारिकर (वय 64 वर्ष), मध्य प्रदेश.
- रामयज्ञ तिवारी (वय 64 वर्ष), उत्तर प्रदेश.
- सुनीता खडीकर (वय 62 वर्ष), मध्य प्रदेश.
- जयेश भाई (वय 47 वर्ष), गुजरात.
- देवश्री के जोशी (वय 38 वर्ष), महाराष्ट्र.
- ईश्वर प्रसाद (वय 65 वर्ष), मध्य प्रदेश.
- जगदीश (वय 65 वर्ष), मुंबई.
- महादेव वेंकेटा सुब्रमणियम (वय 40 वर्ष), कर्नाटक.
- स्नैहल सुरेश (वय 60 वर्ष), महाराष्ट्र.
गंगोत्री धाममध्ये आतापर्यंत झालेले मृत्यू -
- लाल बहादुर (वय 50 वर्ष), नेपाल.
- दीपक दवे (वय 62 वर्ष), महाराष्ट्र.
- मेघा विलास (वय 58 वर्ष), मुंबई.
बद्रीनाथ धाममध्ये आतापर्यंत झालेले मृत्यू -
1. सर्वजीत सिंह (53वर्ष), उन्नाव (यूपी).
2. राजेंद्र प्रसाद (66वर्ष), दिल्ली.
3. रामप्यारी, राजस्थान
4.अज्ञात
केदानाथ धाममध्ये आतापर्यंत झालेले मृत्यू: 11 (तीन लोकांची ओळख पटलेली नाही)
1- भैरवदन बोदिदानी (65 वर्ष).
2- दिलशराय (61वर्ष), मध्य प्रदेश.
3- हंसा देवी (60वर्ष), गुजरात.
4- सोनी छाया बैन (56वर्ष), गुजरात.
5- परवीन (45 वर्ष), हरियाणा.
6- जीत सिंह (40वर्ष), यूपी.
7- जयंती लाल(69वर्ष), महाराष्ट्र.
8. कालका प्रसाद (62वर्ष), यूपी
यात्रेकरूंनी प्रवासादरम्यान काळजी घ्यावी: रुद्रप्रयाग जिल्हा रुग्णालयाचे वरिष्ठ चिकित्सक डॉ. संजय तिवारी यांनी सांगितले की, केदारनाथ धामचा प्रवास खूप कठीण आहे. सरळ चढण चढून येथे पोहोचावे लागते. डोंगरात प्रवास करणाऱ्या यात्रेकरूंनी विशेष काळजी घेणे आवश्यक आहे. चालताना श्वास घेण्यास त्रास होतो. केदारनाथ धामला जाणाऱ्या यात्रेकरूंनी काळजी घेणे आवश्यक आहे. जास्त उंचीवर आल्यावर ऑक्सिजनची समस्या असते. अशा परिस्थितीत हृदयविकाराच्या घटना घडतात.
यात्रेकरूंनी औषधे घेऊन धाम गाठावा. याशिवाय जे यात्रेकरू केदारनाथला येतात, ते श्रद्धेने आल्यानंतर खाणे-पिणे बंद करतात, त्यामुळे यात्रेकरूंना अडचणींचा सामना करावा लागतो. यात्रेकरूंनी हे करू नये. यात्रेला येण्यापूर्वी यात्रेकरूंनी औषधे, उबदार कपडे, तसेच संपूर्ण व्यवस्ता करुन यावे, असेही ते म्हणाले.
हेही वाचा - Akbaruddin Owaisi Aurangzeb Grave Controversy : अकबरुद्दीन ओवेसींनी माफी मागावी; चंद्रकांत खैरेंची मागणी
