बारा (राजस्थान) : राजस्थानच्या बारा जिल्ह्यातील बटावदा येथे आयोजित सर्वधर्मीय सामूहिक विवाह सोहळ्याने इतिहास रचला आहे. येथे सुमारे 2000 बिघा जागेवर बांधलेल्या भव्य मंडपात 2222 जोडप्यांनी लग्नगाठ बांधली. या कार्यक्रमाला मुख्यमंत्री अशोक गेहलोत प्रमुख पाहुणे म्हणून उपस्थित होते. तेही या कार्यक्रमाची व्यवस्था पाहून भारावून गेले.
लाखोंच्या संख्येने लोक उपस्थित : सोहळ्यातील वधू - वरांच्या प्रवेशासाठी 150 काउंटर उभारण्यात आले होते. ज्याद्वारे वधू - वरांना बॅच नंबर देण्यात आला होता. तसेच त्यांना कॉटेजचे वाटप करण्यात आले होते. यासोबतच 2222 कॉटेजेसमध्ये एकाच वेळी तोरण सोहळ्याचे आयोजन करण्यात आले होते. यावेळी लाखोंच्या संख्येने लोक या सोहळ्याला उपस्थित होते.
32 डायनिंग हॉलमध्ये जेवण : या ऐतिहासिक सोहळ्यात सहभागी होण्यासाठी लाखो लोक आले होते. त्यांना जेवण देण्याचे काम सकाळी 10 वाजल्यापासून सुरू झाले, ते रात्री उशिरापर्यंत सुरू होते. यावेळी लाखो लोकांनी भोजनाचा आस्वाद घेतला. सुमारे 12000 लोक त्याच्या व्यवस्थेत गुंतले होते. तसेच जेवण देण्यासाठी 6000 हून अधिक वेटर तिथे उपस्थित होते. त्याच वेळी, 16 किचनच्या बाहेर 32 कॅन्टीन बांधण्यात आले होते.
सर्व धर्म समानतेची झलक दिसली : 3.25 लाख स्क्वेअर फूटमध्ये पाणिग्रहण संस्कार मंडप बांधण्यात आला होता. ज्यामध्ये सर्वधर्म समानतेची झलक पाहायला मिळाली. एकीकडे 2111 जोडप्यांनी हिंदू रितीरिवाजानुसार सात फेरे घेतले. तर दुसरीकडे, मुस्लिम रितीरिवाजांनुसार निकाह देखील जवळच केला गेला. ज्यामध्ये 111 मुस्लिम जोडप्यांचे लग्न झाले.
संस्थेने बसेसची व्यवस्था केली : श्री महावीर गोशाळा कल्याण संस्थेने आयोजित केलेल्या या सोहळ्यात वधू - वरांसाठी 3 लाख चौरस फुटांचा मोठा पंडाल बनवण्यात आला होता. येथे वरमालेचा समारंभ होणार होता. येथे सर्व वधू - वरांना आणण्यात आले आणि येथून त्यांना पेढे व निकाहसाठी पाणिग्रहण संस्कार पंडालमध्ये नेण्यात आले. त्यासाठी संस्थेने बसेसचीही व्यवस्था केली होती.
भेटवस्तूंचे वाटप : सामूहिक विवाह सोहळ्यात वधूवरांना कन्यादानात भेटवस्तू देण्यात आल्या. यासाठी प्रत्येकाला ट्रॅक्टर ट्रॉली आणण्याची परवानगी होती. तसेच यासाठी 16 काउंटर करण्यात आले होते. जिथे विक्री क्रमांक आणि पूर्ण तपासणीनंतर सर्वाना भेटवस्तूंचे वाटप करण्यात आले. येथे 2000 हून अधिक वधूंना भेटवस्तू देण्यात आल्याचे सांगण्यात आले आहे.
हेही वाचा :
