Cheetah In India : नामिबियानंतर आता दक्षिण आफ्रिकेतून 12 चित्ते भारतात आणणार

कुनो नॅशनल पार्क मध्ये (kuno national park) 6 चित्ते आधीपासूनच आहेत. कुनोमध्ये एकूण 14 एन्क्लोजर आहेत, ज्यामध्ये 14 चित्ते ठेवता येतात. दक्षिण आफ्रिकेचे राष्ट्रपती 2 ते 3 दिवसात या प्रकल्पावर स्वाक्षरी करू शकतात अशी शक्यता आहे. त्यानंतर 12 चित्ते भारतात आणले जातील. (Cheetah from South Africa in India)

श्योपूर (मध्य प्रदेश) : नामिबियातून 8 चित्ते आल्यानंतर आता कुनो नॅशनल पार्कमध्ये (kuno national park) दक्षिण आफ्रिकेतूनही 12 चित्ते आणण्याची तयारी सुरू झाली आहे. (Cheetah from South Africa in India). दक्षिण आफ्रिकेत साडेतीन महिन्यांसाठी 12 चित्ते क्वारंटाइन करण्यात आले असून, त्यांना 15 डिसेंबरपर्यंत भारतात श्योपूर कुनो येथे आणले जाऊ शकते. या चित्यांसाठी कुनोमध्ये आठ नवीन एन्क्लोजरही तयार केले जात आहेत. दक्षिण आफ्रिकेच्या वन आणि पर्यावरण मंत्री बार्बरा क्रेसी यांनी चीता प्रकल्पासाठी भारतासोबतच्या सामंजस्य कराराला मंजुरी दिली आहे. कागदपत्रे आता अध्यक्ष सिरिल रामाफोसा यांच्याकडे आहेत.

दक्षिण आफ्रिकेतून 12 चित्ते भारतात येणार : पंतप्रधान नरेंद्र मोदी यांच्या उपस्थितीत 17 सप्टेंबर रोजी श्योपूर येथील कुनो नॅशनल पार्कमध्ये 8 चित्ते सोडण्यात आले. जुलै 2022 मध्ये भारताने दक्षिण आफ्रिकेला चित्ता प्रकल्पासाठी 12 चित्ते देण्याची विनंती केली होती. नामिबिया आणि दक्षिण आफ्रिकेतून चित्ते एकत्रच आणले जाणार होते. चित्ता निवडण्यापासून ते वेगळे ठेवण्यापर्यंतची सर्व तयारी नामिबिया तसेच दक्षिण आफ्रिकेत एकाच वेळी पूर्ण झाली होती. मात्र त्यावेळी चित्ता आणण्यासाठी दक्षिण आफ्रिकेशी सामंजस्य करार होऊ शकला नव्हता. त्यामुळे नामिबियातील 8 चित्ते भारतात आले, परंतु दक्षिण आफ्रिकेतील 12 चिते क्वारंटाईन एन्क्लोजरमध्ये बंद राहिले.

12 चित्ते क्वारंटाईनमध्ये उपस्थित आहेत : कुनोमध्ये 6 चित्ते आधीपासूनच आहेत. कुनोमध्ये एकूण 14 एन्क्लोजर आहेत, ज्यामध्ये 14 चित्ते ठेवता येतात. दक्षिण आफ्रिकेचे राष्ट्रपती 2 ते 3 दिवसात या प्रकल्पावर स्वाक्षरी करू शकतात अशी शक्यता आहे. त्यानंतर 12 चित्ते भारतात आणले जातील. असेही सांगण्यात येत आहे की, दक्षिण आफ्रिकेतून भारतात पाठवण्यासाठी क्वारंटाईन केलेले 12 पैकी 2 चित्ते अयोग्य आढळले आहेत. त्यांचे वयही जास्त असल्याने त्यांना नीट शिकार करता येत नव्हती. त्यामुळे या चित्यांऐवजी दुसऱ्या एकाला क्वारंटाईनमध्ये ठेवण्यात आले होते. आता राष्ट्रपतींच्या स्वाक्षरीनंतर त्यांना भारतात आणण्यात येणार आहे.

नवीन चित्त्यांचे स्वागत केले जाईल : कुनो नॅशनल पार्कचे डीएफओ प्रकाश शर्मा म्हणतात की, दक्षिण आफ्रिकेतून 12 चित्ते आणण्याची तयारी उच्च पातळीवर सुरू आहे, कुनोमध्ये 8 नवीन एन्क्लोजरचे बांधकाम जवळजवळ पूर्ण झाले आहे. या आधीचे 6 एनक्लोजरही कुनोमध्ये बांधलेले आहेत. नवीन चित्यांच्या स्वागतासाठी आम्ही सज्ज झालो आहोत.