കെകെയുടെ കുടുംബാംഗങ്ങൾ കൊൽക്കത്തയില്‍, ഹോട്ടലിലെ സിസിടിവി പരിശോധിക്കാന്‍ പൊലീസ് ; വീഡിയോ

കൊൽക്കത്ത : അന്തരിച്ച ബോളിവുഡ് ഗായകൻ കെകെയുടെ (കൃഷ്‌ണകുമാർ കുന്നത്ത്) കുടുംബാംഗങ്ങൾ ബുധനാഴ്‌ച (ജൂൺ 01) രാവിലെ കൊൽക്കത്തയിലെത്തി. കുടുംബത്തിന്‍റെ സമ്മതം ലഭിച്ച ശേഷമാകും പോസ്റ്റ്‌മോർട്ടം. അസ്വാഭാവിക മരണത്തിന് കൊൽക്കത്ത പൊലീസ് കേസെടുത്തിട്ടുണ്ട്. സംഗീത പരിപാടിക്കിടെ ശാരീരികാസ്വാസ്ഥ്യം അനുഭവപ്പെട്ടതിനെ തുടര്‍ന്ന് അദ്ദേഹത്തെ ഹോട്ടലിലെത്തിച്ചിരുന്നു. ആശുപത്രിയിൽ പ്രവേശിപ്പിക്കുന്നതിന് മുമ്പ് എന്തുസംഭവിച്ചുവെന്നറിയാൻ കെകെ താമസിച്ചിരുന്ന ഹോട്ടലിലെ ജീവനക്കാരെ ചോദ്യം ചെയ്യുമെന്നും ഹോട്ടലിന്‍റെ സിസിടിവി ദൃശ്യങ്ങൾ പരിശോധിക്കുമെന്നും പൊലീസ് അറിയിച്ചു.