പിഎസ്‌സി ഓഫീസിലേക്ക് യുവമോര്‍ച്ച മാര്‍ച്ച് നടത്തി

യൂണിവേഴ്‌സിറ്റി കോളജിലെ വധശ്രമക്കേസിലെ പ്രതികൾ പിഎസ്‌സി റാങ്ക് പട്ടികയിൽ വന്നതിൽ ക്രമക്കേട് ആരോപിച്ച് യുവമോർച്ച പ്രതിഷേധം. കാസർകോട് പിഎസ്‌സി ഓഫീസിലേക്ക് യുവമോര്‍ച്ച പ്രവര്‍ത്തകര്‍ മാര്‍ച്ച് നടത്തി. പിഎസ്‌സി റാങ്ക് ലിസ്റ്റിൽ സ്വന്തക്കാരെ തിരുകി കയറ്റാനാണ് സിപിഎം ശ്രമിക്കുന്നതെന്ന് യുവമോർച്ച ആരോപിച്ചു. പ്രവർത്തകർ ഓഫീസിന് അകത്ത് പ്രവേശിക്കാന്‍ ശ്രമിച്ചു. സംഘര്‍ഷത്തെ തുടര്‍ന്ന് പ്രവര്‍ത്തകരെ പൊലീസ് അറസ്റ്റ് ചെയ്‌ത് നീക്കി.