കോഴിക്കോട് കടൽക്ഷോഭം രൂക്ഷം

കോഴിക്കോട്: ജില്ലയിൽ കടൽക്ഷോഭം രൂക്ഷമായി തുടരുന്നു. കടല്‍ക്ഷോഭവും കനത്ത മഴയും മൂലം നിരവധി കുടുംബങ്ങളാണ് ദുരിതത്തിലായത്. പല പ്രദേശങ്ങളും വെള്ളത്തിൽ മുങ്ങി. നിരവധി വീടുകള്‍ക്കാണ് കേടുപാട് പറ്റിയത്. കോഴിക്കോട് കോതി, മുഖദാർ, പയ്യാനക്കൽ എന്നി ഭാഗങ്ങളിലെ വീടുകൾ തകർന്നു. ഈ പ്രദേശങ്ങളിൽ നിരവധി പേരെ മാറ്റിപ്പാർപ്പിച്ചു. തീരപ്രദേശങ്ങളിലെ കടൽ ഭിത്തിയോട് ചേർന്നുള്ള വീടുകളിലാണ് വെള്ളം കയറിയത്. ഇന്നലെ ഉച്ചക്ക് മുതൽ ആരംഭിച്ച കടൽ ക്ഷോഭം രാത്രിയിലാണ് അവസാനിച്ചത്.