സിനിമാ സ്റ്റൈലിൽ കാർ ചേസ്; അനധികൃതമായി കടത്തുകയായിരുന്ന 85 ലക്ഷം പിടികൂടി പൊലീസ്

ഹനഗൽ : കർണാടകയിൽ അനധികൃതമായി കടത്തുകയായിരുന്ന 85 ലക്ഷം രൂപ പിടികൂടി പൊലീസ്. ഹൂബ്ലിയിൽ നിന്ന് ഷിമോഗയിലേക്ക് കാറിൽ പണം കടത്തുന്നുണ്ടെന്ന രഹസ്യ വിവരത്തെത്തുടർന്ന് പൊലീസ് നടത്തിയ പരിശോധനയിലാണ് സിനിമാറ്റിക് സ്റ്റൈലിൽ പ്രതികളെ പിടികൂടിയത്. ഫയാജ ഖാൻ, ഇമ്രാൻ ഖാൻ, സധൻ ഖാൻ, സയ്യിദ് അമീൻ എന്നിവരാണ് അറസ്റ്റിലായത്. അമിത വേഗതയിൽ പോയ പ്രതികൾ സഞ്ചരിച്ച വാഹനത്തെ പിന്തുടർന്ന് തടഞ്ഞു നിർത്തിയാണ് ഹവേരി പൊലീസ് ഇവരെ പിടികൂടിയത്. പ്രതികൾക്കെതിരെ ഹനഗൽ പൊലീസ് സ്റ്റേഷനിൽ കേസ് രജിസ്റ്റർ ചെയ്‌തിട്ടുണ്ട്.