തൃക്കാക്കരയിലെ വിജയം സര്‍ക്കാരിനെതിരെയുള്ള വിധിയെഴുത്ത്: പി ജെ ജോസഫ്

തൃക്കാക്കരയിലെ ഉമ തോമസിന്‍റെ വിജയം പിണറായി വിജയന്‍ സര്‍ക്കാരിനും കെ റെയിലിനുമെതിരെയുള്ള വിധിയെഴുത്താണെന്ന് കേരള കോണ്‍ഗ്രസ് ചെയര്‍മാന്‍ പി ജെ ജോസഫ്. മുഖ്യമന്ത്രിയും മന്ത്രിമാരും ക്യാമ്പ് ചെയ്‌ത് പ്രവര്‍ത്തിച്ചിട്ടും ഒരു തരംഗവും ഉണ്ടാക്കാന്‍ കഴിഞ്ഞിട്ടില്ല. കെ വി തോമസ് വിഷയം ചര്‍ച്ചയായില്ല. പി ടി തോമസിനും യുഡിഎഫിനുമുള്ള അംഗീകാരമാണ് തെരഞ്ഞെടുപ്പ് വിജയമെന്നും പി ജെ ജോസഫ് തൊടുപുഴയില്‍ പറഞ്ഞു.