ലിഫ്റ്റിൽ വച്ച് വളർത്തുനായ കുട്ടിയെ കടിച്ചു, വേദന കൊണ്ട് പുളഞ്ഞിട്ടും നോക്കിനിന്ന് ഉടമ; വീഡിയോ

ഗാസിയാബാദ് (ഉത്തർപ്രദേശ്): അപ്പാർട്ട്മെന്‍റിലെ ലിഫ്റ്റിൽ വച്ച് കുട്ടിയെ കടിച്ച് വളർത്തുനായ. ഉടമയ്‌ക്കൊപ്പം ലിഫ്റ്റിൽ കയറിയ നായയാണ് ലിഫ്റ്റിലുണ്ടായിരുന്ന ആൺകുട്ടിയെ കടിച്ചത്. ഗാസിയാബാദിലെ രാജ്‌നഗർ എക്‌സ്റ്റൻഷൻ പ്രദേശത്തെ ചാർമ്സ് കാസിൽ സൊസൈറ്റിയിൽ തിങ്കളാഴ്‌ചയായിരുന്നു സംഭവം. കടിയേറ്റ കുട്ടി വേദന കൊണ്ട് പുളഞ്ഞിട്ടും നായയുടെ ഉടമ ഗൗനിക്കാതെ നിൽക്കുന്നത് ലിഫ്റ്റിനുള്ളിലെ സിസിടിവി ദൃശ്യങ്ങളിൽ കാണാം. സംഭവത്തിൽ കുട്ടിയുടെ അച്ഛന്‍റെ പരാതിയിൽ ഗാസിയാബാദ് പൊലീസ് കേസ് രജിസ്റ്റർ ചെയ്‌തു.