വയനാട്: ജില്ലയില്‍ കഴിഞ്ഞ ദിവസങ്ങളിലായി കൂടുതല്‍ പേർക്ക് കൊവിഡ് സ്ഥിരീകരിച്ചതോടെ നിയന്ത്രണങ്ങൾ ശക്തമാക്കി. രോഗം സ്ഥിരീകരിച്ച സുൽത്താൻ ബത്തേരിക്കടുത്തുള്ള ചീരാൽ, മാനന്തവാടിക്ക് അടുത്ത കമ്മന, മീനങ്ങാടി എന്നീ പ്രദേശങ്ങൾ കണ്ടെയ്‌ന്‍മെന്‍റ് സോണുകളാക്കി. കഴിഞ്ഞ എട്ട് ദിവസത്തിനിടെ ഏഴ് പേർക്കാണ് രോഗം സ്ഥിരീകരിച്ചത്. ഇതില്‍ അഞ്ച് പേരും മാനന്തവാടി മേഖലയിൽ നിന്നുള്ളവരാണ്. കഴിഞ്ഞ ദിവസം രോഗം സ്ഥിരീകരിച്ചവരിലൊരാൾ ചെന്നൈ കോയമ്പേട് മാർക്കറ്റിൽ നിന്ന് എത്തിയ ആളാണ്. ഇയാൾ ഈ മാസം ഏഴ് മുതൽ നിരീക്ഷണത്തിലായിരുന്നു. ജില്ലാ അതിർത്തിയിൽ നിന്നും ഇയാളെ വീട്ടിലേക്ക് കൊണ്ടു വന്ന സുഹൃത്തിനെയും സഹോദരനെയും നേരത്തെ തന്നെ നിരീക്ഷണത്തിൽ ആക്കാത്തതില്‍ പ്രതിഷേധം ശക്തമാണ്.
വയനാട്ടില്‍ ജാഗ്രത ശക്തം; കൂടുതല്‍ തീവ്രബാധിത പ്രദേശങ്ങൾ
