കൽപ്പറ്റ: വയനാട്ടിൽ നടക്കുന്ന സംസ്ഥാന പഞ്ചായത്ത് ദിനാഘോഷത്തിൽ ശ്രദ്ധനേടി ഗ്ലോബൽ കൾച്ചറൽ ഓർഗനൈസേഷൻ അംഗങ്ങള്‍. 'പ്രകൃതിക്ക് വേണ്ടി ഒരു വാക്ക്' എന്ന മുദ്രാവാക്യത്തിലൂടെ പരിസ്ഥിതി സംരക്ഷണ സന്ദേശം പകർന്നാണ് സംഘം പരിപാടിയിൽ ശ്രദ്ധയാകർഷിച്ചത്.കേരളത്തിലങ്ങോളമിങ്ങോളം ഉള്ളവർ സംഘടനയിൽ അംഗങ്ങളാണ്.
പ്രകൃതിക്ക് വേണ്ടി ഒരു വാക്ക്; സംരക്ഷണ സന്ദേശവുമായി സിനിമ
പ്രകൃതി സംരക്ഷണ സന്ദേശം പകരുന്ന സിനിമയും അടുത്ത് തന്നെ ഇവർ പുറത്തിറക്കും. സംസ്‌കൃതത്തിലാണ് സിനിമ. വിദ്യാർഥികളാണ് സിനിമയിലെ അഭിനേതാക്കളിൽ അധികവും.സിനിമയുടെ പ്രമോഷന്‍റെ കൂടി ഭാഗമായാണ് ഇവർ വയനാട്ടിൽ എത്തിയത്. ഷിബു കുമാരനെല്ലൂരാണ് സംവിധായകന്‍.
