വയനാട്: ജില്ലയില്‍ പുതുതായി 160 പേര്‍ക്ക് കൂടി കൊവിഡ് സ്ഥിരീകരിച്ചു. 72 പേര്‍ രോഗമുക്തി നേടി. ഏഴ് ആരോഗ്യ പ്രവര്‍ത്തകര്‍ ഉള്‍പ്പെടെ എല്ലാവര്‍ക്കും സമ്പര്‍ക്കത്തിലൂടെയാണ് രോഗബാധ. ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ എണ്ണം 16283 ആയി. 13679 പേര്‍ ഇതുവരെ രോഗമുക്തരായി.
ചികിത്സയിലിരിക്കെ 100 പേരാണ് മരിച്ചത്. നിലവില്‍ 2,504 പേരാണ് ചികിത്സയിലുള്ളത്. ഇവരില്‍ 1,756 പേര്‍ വീടുകളിലാണ് ഐസൊലേഷനില്‍ കഴിയുന്നത്. എടവക സ്വദേശികളായ 81 പേര്‍, മാനന്തവാടി സ്വദേശികളായ 19 പേര്‍, ബത്തേരി സ്വദേശികളായ 14 പേര്‍, മീനങ്ങാടി സ്വദേശികളായ എട്ട് പേര്‍ കല്‍പറ്റ സ്വദേശിയകളായ എട്ട് പേര്‍, പടിഞ്ഞാറത്തറ സ്വദേശികളായ ഏഴ് പേര്‍, കണിയാമ്പറ്റ, മേപ്പാടി, നെന്മേനി, നൂല്‍പ്പുഴ, തിരുനെല്ലി, തൊണ്ടര്‍നാട്, വെള്ളമുണ്ട, വെങ്ങപ്പള്ളി, വൈത്തിരി എന്നീ പ്രദേശങ്ങളിലെ 2 പേര്‍ക്ക് വീതവുമാണ് രോഗം പുതുതായി സ്ഥിരീകരിച്ചത്. മൂപ്പൈനാട്, മുട്ടില്‍, പനമരം, പുല്‍പ്പള്ളി, തവിഞ്ഞാല്‍ സ്വദേശികളായ ഓരോരുത്തര്‍ക്കും സമ്പര്‍ക്കത്തിലൂടെ രോഗബാധ ഉണ്ടായിട്ടുണ്ട്.
