വയനാട്: കേരളത്തിൽ കൊറോണ ബാധ സ്ഥിരീകരിച്ച സാഹചര്യത്തിൽ വയനാട്ടിലെ അതിർത്തി ചെക് പോസ്റ്റുകളിൽ കർണാടക, തമിഴ്നാട് ആരോഗ്യ വകുപ്പ് നടത്തുന്ന പരിശോധനകൾ തുടരുന്നു. കഴിഞ്ഞ ദിവസം മുതലാണ് അതിർത്തി ചെക് പോസ്റ്റുകളിൽ കർണാടക ആരോഗ്യ വകുപ്പ് പരിശോധന തുടങ്ങിയത്. കോഴിക്കോട്-മൈസൂർ ദേശീയ പാതയിലെ മൂലഹള്ള ചെക് പോസ്റ്റിൽ ഇന്നും ശക്തമായ പരിശോധന നടന്നു.
കൊറോണ ബാധ; വയനാട്ടിലെ അതിർത്തി ചെക് പോസ്റ്റുകളിൽ പരിശോധന ശക്തം
ഒരു ഡോക്ടറുടെ നേതൃത്വത്തിലുള്ള ഏഴംഗ സംഘമാണ് പരിശോധന നടത്തുന്നത്. ബസുകൾ ഉൾപ്പെടെ മുഴുവൻ വാഹനങ്ങളും തടഞ്ഞു നിർത്തി നോൺ-കോൺടാക്‌ട് ഇൻഫ്രാറെഡ് തെർമോ മീറ്റർ ഉപയോഗിച്ചാണ് പരിശോധിക്കുന്നത്. പനിയോ മറ്റ് ലക്ഷണങ്ങളോ ഉളളവർ ഏറ്റവും അടുത്ത ആശുപത്രികളിൽ ചികിത്സ തേടണമെന്ന നിർദേശവും നൽകുന്നുണ്ട്. ഇതോടൊപ്പം ഗുണ്ടൽപ്പേട്ടയിലും തമിഴ്നാട് അതിർത്തിയായ പാട്ടവയലിലും പരിശോധന നടത്തുന്നുണ്ട്.
