തൃശൂർ: സിറ്റിങ്‌ എംഎൽഎയും ചീഫ് വിപ്പുമായ ഇടതുമുന്നണിയിലെ കെ. രാജനും യുഡിഎഫിലെ ജോസ് വള്ളൂരും കടുത്ത മത്സരം കാഴ്ച്ച വയ്ക്കുന്ന ഒല്ലൂർ മണ്ഡലത്തിൽ എൻഡിഎ സ്ഥാനാർഥി ബി.ഗോപാലകൃഷ്ണനും ശക്തമായ പ്രചാരണത്തിലാണ്. ഇവർക്കെതിരായാണ് മലയോര സംരക്ഷണ സമിതി നേതാവ് കെ. കെ.ജോർജ് ജനവിധി തേടുന്നത്. മലയോര കർഷകരെ പട്ടയത്തിന്‍റെ പേരിൽ പറഞ്ഞു പറ്റിച്ചവരോടുള്ള പ്രതിഷേധം കൂടിയാണ് ജോർജിന്‍റെ പോരാട്ടം.
ജില്ലയിൽ ഏറ്റവും അധികം മലയോര കർഷകരുള്ള മണ്ഡലത്തിലെ പാണഞ്ചേരി പഞ്ചായത്തിൽ മാത്രം പതിനായിരത്തോളം കുടുംബങ്ങൾക്ക് പട്ടയം ലഭിച്ചിട്ടില്ല. പട്ടയമില്ലാത്തതിനാൽ കേന്ദ്ര-സംസ്ഥാന സർക്കാരുകളുടെ ആനുകൂല്യങ്ങളൊന്നും ഇവർക്ക് ലഭിക്കുന്നില്ല. പതിറ്റാണ്ടുകളായി വിവിധ രാഷ്ട്രീയ കക്ഷി നേതാക്കൾ ഇതു പറഞ്ഞ് വഞ്ചിക്കുകയാണെന്ന് മലയോര സംരക്ഷണ സമിതി ജില്ല കൺവീനറായ ജോർജ് പറയുന്നു. മുന്നണികൾക്ക് നിർണായകമായ കർഷക വോട്ടുകൾ സ്വരൂപിച്ച് സമ്മർദ്ദത്തിലാക്കുക തന്നെയാണ് ഇവരുടെ ലക്ഷ്യം.
മണ്ഡലത്തിൽ,വൺ ഇന്ത്യ വൺ പെൻഷന്‍റെയും സമാന ചിന്താഗതിക്കാരായിട്ടുള്ള മറ്റു സംഘടനകളുടെയും പിന്തുണയും കെ. കെ ജോർജ്ജിനുണ്ട്. ഇടതു വലതു മുന്നണി പ്രതിനിധികളുടെ വാക്കുകൾ പാഴ്വാക്കാണെന്ന് തിരിച്ചറിഞ്ഞ മലയോര കർഷരുടെ ആവശ്യപ്രകാരമാണ് ജോർജ് പോരാട്ടത്തിനിറങ്ങിയിരിക്കുന്നത്. അധികൃതരോടുള്ള പ്രതിഷേധത്തിന്‍റെ ഭാഗമായി രണ്ടു വർഷത്തോളമായി ചെരിപ്പിടാതെ തല മുണ്ഡനം ചെയ്തും താടി നീട്ടി വളർത്തിയുമാണ് പ്രവർത്തനം .
ഒല്ലൂരിൽ മുന്നണികൾക്ക് വെല്ലുവിളി ഉയർത്തി മലയോര സംരക്ഷണ സമിതി സ്ഥാനാർഥി
മലയോര കർഷകരെ പട്ടയത്തിന്‍റെ പേരിൽ പറഞ്ഞു പറ്റിച്ചവരോടുള്ള പ്രതിഷേധം കൂടിയാണ് ജോർജിന്‍റെ പോരാട്ടം
തൃശൂർ: സിറ്റിങ്‌ എംഎൽഎയും ചീഫ് വിപ്പുമായ ഇടതുമുന്നണിയിലെ കെ. രാജനും യുഡിഎഫിലെ ജോസ് വള്ളൂരും കടുത്ത മത്സരം കാഴ്ച്ച വയ്ക്കുന്ന ഒല്ലൂർ മണ്ഡലത്തിൽ എൻഡിഎ സ്ഥാനാർഥി ബി.ഗോപാലകൃഷ്ണനും ശക്തമായ പ്രചാരണത്തിലാണ്. ഇവർക്കെതിരായാണ് മലയോര സംരക്ഷണ സമിതി നേതാവ് കെ. കെ.ജോർജ് ജനവിധി തേടുന്നത്. മലയോര കർഷകരെ പട്ടയത്തിന്‍റെ പേരിൽ പറഞ്ഞു പറ്റിച്ചവരോടുള്ള പ്രതിഷേധം കൂടിയാണ് ജോർജിന്‍റെ പോരാട്ടം.
ജില്ലയിൽ ഏറ്റവും അധികം മലയോര കർഷകരുള്ള മണ്ഡലത്തിലെ പാണഞ്ചേരി പഞ്ചായത്തിൽ മാത്രം പതിനായിരത്തോളം കുടുംബങ്ങൾക്ക് പട്ടയം ലഭിച്ചിട്ടില്ല. പട്ടയമില്ലാത്തതിനാൽ കേന്ദ്ര-സംസ്ഥാന സർക്കാരുകളുടെ ആനുകൂല്യങ്ങളൊന്നും ഇവർക്ക് ലഭിക്കുന്നില്ല. പതിറ്റാണ്ടുകളായി വിവിധ രാഷ്ട്രീയ കക്ഷി നേതാക്കൾ ഇതു പറഞ്ഞ് വഞ്ചിക്കുകയാണെന്ന് മലയോര സംരക്ഷണ സമിതി ജില്ല കൺവീനറായ ജോർജ് പറയുന്നു. മുന്നണികൾക്ക് നിർണായകമായ കർഷക വോട്ടുകൾ സ്വരൂപിച്ച് സമ്മർദ്ദത്തിലാക്കുക തന്നെയാണ് ഇവരുടെ ലക്ഷ്യം.
മണ്ഡലത്തിൽ,വൺ ഇന്ത്യ വൺ പെൻഷന്‍റെയും സമാന ചിന്താഗതിക്കാരായിട്ടുള്ള മറ്റു സംഘടനകളുടെയും പിന്തുണയും കെ. കെ ജോർജ്ജിനുണ്ട്. ഇടതു വലതു മുന്നണി പ്രതിനിധികളുടെ വാക്കുകൾ പാഴ്വാക്കാണെന്ന് തിരിച്ചറിഞ്ഞ മലയോര കർഷരുടെ ആവശ്യപ്രകാരമാണ് ജോർജ് പോരാട്ടത്തിനിറങ്ങിയിരിക്കുന്നത്. അധികൃതരോടുള്ള പ്രതിഷേധത്തിന്‍റെ ഭാഗമായി രണ്ടു വർഷത്തോളമായി ചെരിപ്പിടാതെ തല മുണ്ഡനം ചെയ്തും താടി നീട്ടി വളർത്തിയുമാണ് പ്രവർത്തനം .
