തൃശൂർ: തൃശൂർ പൂരത്തോടനുബന്ധിച്ചുള്ള എക്‌സിബിഷൻ സ്റ്റാളിലെ 18 പേർക്ക് കൊവിഡ്. പ്രദർശന നഗരിയിലെ വ്യാപാരികൾക്കും തൊഴിലാളികൾക്കും ആണ് കൊവിഡ് സ്ഥിരീകരിച്ചത്. 18 പേരെയും നിരീക്ഷണത്തിലാക്കി. ഇവരുടെ സമ്പർക്ക പട്ടിക പരിശോധിച്ചുവരികയാണ്.
ALSO READ: പൂരം തിരുവമ്പാടിക്ക് പ്രതീകാത്മകമായി മാത്രം ; പാറമേക്കാവ് ആഘോഷിക്കും.
ജില്ല ആരോഗ്യ വകുപ്പിന്‍റെയും ദേവസ്വത്തിന്‍റെയും നേതൃത്വത്തിലാണ് പൂരവുമായി ബന്ധപ്പെട്ട് പ്രവർത്തിക്കുന്നവർക്ക് കൊവിഡ് പരിശോധന സംഘടിപ്പിക്കുന്നത്. ഇന്ന് രാവിലെ മുതൽ മേളക്കാർ, ആനപ്പാപ്പാൻമാർ, മാധ്യമപ്രവർത്തകർ, എക്‌സിബിഷൻ നഗരിയിലുള്ള കച്ചവടക്കാർ, 8 ഘടക ക്ഷേത്രങ്ങളിലെയും പാറമേക്കാവ് തിരുവമ്പാടി ക്ഷേത്രങ്ങളിലെയും പൂരത്തിൽ സംബന്ധിക്കുന്നവർ തുടങ്ങി എല്ലാവര്‍ക്കും ആർടിപിസിആർ പരിശോധന നടത്തുന്നുണ്ട്.
ALSO READ: തൃശൂർപൂരം ചടങ്ങുകള്‍ മാത്രമാക്കി നടത്തും;പൊതുജനത്തിന് പ്രവേശനമില്ല
