ലൈഫ് മിഷൻ ഫ്ലാറ്റ് നിർമാണം; ഇടപാടുകൾക്ക് ബിനാമികളെ ഉപയോഗിച്ചെന്ന് അനിൽ അക്കര

മന്ത്രി എ.സി മൊയ്തീൻ ഈ അഴിമതി നേരത്തെ ആസൂത്രണം ചെയ്തിരുന്നതായും റെഡ് ക്രസന്‍റുമായുള്ള കരാർ നിയമ വിരുദ്ധമാണെന്നും അനില്‍ അക്കര എംഎല്‍എ.

തൃശൂർ: വടക്കാഞ്ചേരി ലൈഫ് മിഷൻ ഫ്ലാറ്റ് നിർമാണത്തിൽ മന്ത്രി എ.സി മൊയ്തീൻ ബിനാമികളെ ഉപയോഗിച്ച് ഇടപാടുകൾ നടത്തിയെന്ന ആരോപണവുമായി അനിൽ അക്കര എംഎൽഎ.

മന്ത്രി എ.സി മൊയ്തീൻ ഈ അഴിമതി നേരത്തെ ആസൂത്രണം ചെയ്തിരുന്നു. റെഡ് ക്രസന്‍റുമായുള്ള കരാർ നിയമ വിരുദ്ധമാണ്. അതുകൊണ്ടാണ് ലൈഫ് മിഷൻ തുടർ കരാറുകൾക്ക് പോകാതിരുന്നതെന്നും അനിൽ അക്കര തൃശൂരിൽ പറഞ്ഞു.