തൃശൂർ: മന്ത്രി കെടി ജലീല്‍ രാജിവച്ചത് നല്ല തീരുമാനമെന്ന് സിപിഎം സംസ്ഥാന സെക്രട്ടറി എ വിജയരാഘവന്‍. ആ നിലപാടിനെ സ്വാഗതം ചെയ്യുന്നു. രാജി ധാർമികത ഉയർത്തിപ്പിടിച്ചുള്ള തീരുമാനമാണ്. രാജിവച്ചതുകൊണ്ട് തെറ്റ് ചെയ്തതായി ആരും അംഗീകരിക്കുന്നില്ലെന്നും, എപ്പോഴും ധാർമികത ഉയർത്തിപ്പിടിച്ച സമീപനമാണ് അദ്ദേഹം സ്വീകരിച്ചിട്ടുള്ളതെന്നും വിജയരാഘവൻ പറഞ്ഞു.
ജലീലിൻ്റെ രാജി ധാർമികത ഉയര്‍ത്തിപ്പിടിച്ചെന്ന് എ വിജയരാഘവന്‍
ജലീൽ പൊതു ജീവിതത്തിലെ മാന്യത എപ്പോഴും ഉയർത്തിപ്പിടിക്കാൻ ശ്രമിച്ചിട്ടുണ്ട്. ഇതുസംബന്ധിച്ച് ലോകായുക്ത രംഗത്തുവന്ന സാഹചര്യത്തിൽ അദ്ദേഹത്തിൻ്റെ നടപടി സ്വാഗതാർഹമാണെന്നും വിജയരാഘവന്‍ അഭിപ്രായപ്പെട്ടു.
