തിരുവനന്തപുരം: തിരുവനന്തപുരം റൂറൽ എസ്.പി ഓഫിസിലേക്ക് യൂത്ത് കോൺഗ്രസ് നടത്തിയ മാർച്ചിൽ സംഘർഷം. ബെവ് കോ നിയമനതട്ടിപ്പിൽ സരിത എസ് നായരെ അറസ്റ്റ് ചെയ്യണമെന്നാവശ്യപ്പെട്ട് നടത്തിയ മാര്‍ച്ചിലാണ് സംഘര്‍ഷമുണ്ടായത്. മാർച്ചിനു നേരേ പൊലീസ് ജലപീരങ്കി പ്രയോഗിച്ചു.
എസ്.പി ഓഫിസിലേക്ക് യൂത്ത് കോൺഗ്രസ് നടത്തിയ മാർച്ചിൽ സംഘർഷം
നിയമസഭാ തെരഞ്ഞെടുപ്പിന്‍റെ പശ്ചാത്തലത്തിൽ കോൺഗ്രസ് നേതാക്കൾക്കെതിരെ സരിത എസ് നായരെ സർക്കാർ ആയുധമാക്കുകയാണെന്ന് യൂത്ത് കോണ്‍ഗ്രസ് പ്രവർത്തകർ ആരോപിച്ചു. സരിത എസ് നായരെ അറസ്റ്റ് ചെയ്‌തില്ലെങ്കിൽ സമരം ശക്തമാക്കുമെന്നും യൂത്ത് കോൺഗ്രസ് പ്രവർത്തകർ വ്യക്തമാക്കി.
