തിരുവന്തപുരം: കാട്ടാക്കട നക്രം ചിറയില്‍ വർക്ക് ഷോപ്പില്‍ തീ പിടിത്തം. പാലേലി വടക്കേക്കര വീട്ടില്‍ ജയന്‍റെ ടൂ വീലർ വർക്ക് ഷോപ്പിലാണ് ബുധനാഴ്ച്ച രാത്രി പതിനൊന്നരയോടെ തീപിടത്തമുണ്ടായത്. തീപിടുത്തത്തില്‍ 25ഓളം ബൈക്കുകൾ കത്തി നശിച്ചു. സംഭവത്തില്‍ ആളപായമില്ല. തീ പിടിക്കാനുണ്ടായ സാഹചര്യം വ്യക്തമല്ല. സമീപത്തെ വീടിന്‍റെ ജനലിലേക്ക് പടർന്ന തീ അഗ്നിശമനസേന എത്തി കെടുത്തിയത് കൂടുതല്‍ അപകടത്തിലേക്ക് പോകാതിരിക്കാൻ കാരണമായി. സംഭവത്തില്‍ എട്ട് ലക്ഷത്തോളം രൂപയുടെ നഷ്ട്ടം സംഭവിച്ചതായാണ് പ്രാഥമിക വിവരം.
വർക്ക് ഷോപ്പില്‍ തീപിടുത്തം; പൊലീസ് അന്വേഷണം ആരംഭിച്ചു
