തിരുവനന്തപുരം: മലയാള സിനിമ-നാടക വേദിയിലെ അതുല്യ പ്രതിഭയായിരുന്നു കെ.പി.എ.സി ലളിതയെന്ന് പ്രതിപക്ഷ നോതാവ് വി.ഡി സതീശന്‍. നടിക്ക് ആദരാഞ്ജലികള്‍ അര്‍പ്പിച്ച് അദ്ദേഹം ഫേസ്ബുക്കില്‍ കുറിച്ച പോസ്റ്റിലാണ് പരാമര്‍ശം.
അസാധാരണ അഭിനയ പാടവം കൊണ്ട് ഓരോ കഥാപാത്രത്തെയും അവർ അനുപമമാക്കി. കഥാപാത്രങ്ങളോട് അങ്ങേയറ്റം നീതി പുലർത്തിയ അഭിനേത്രിയയിരുന്നു. സ്വാഭാവിക അഭിനയത്തിന്റെ പാഠശാലയാണ് കെ.പി.എസി ലളിതയെന്നും അദ്ദേഹം കുറിച്ചു.
Also Read: 'നഷ്‌ടമായത്‌ വളരെ വളരെ പ്രിയപ്പെട്ട ഒരാളെ'; കെപിഎസി ലളിതയുടെ ഓര്‍മയില്‍ മമ്മൂട്ടി
നാടകവേദി മൂർച്ച കൂട്ടിയതാണ് കെ.പി.എ.സി ലളിതയുടെ അഭിനയ പാടവം. കേരള സംഗീത നാടക അക്കാദമി അധ്യക്ഷയെന്ന നിലയിലും അവർ പ്രവർത്തിച്ചു. രണ്ടോ മൂന്നോ തലമുറകൾക്കൊപ്പം സഞ്ചരിച്ച അഭിനേത്രിയാണ് കെ.പി.എ.സി ലളിത. അഞ്ച് പതിറ്റണ്ടിലേറെ നീണ്ട അഭിനയ സപര്യയ്ക്ക് അവസാനം. ആ വലിയ വ്യക്തിത്വത്തിന്, കലാകാരിക്ക് പ്രണാമം അദ്ദേഹം പറഞ്ഞു.
