തിരുവനന്തപുരം: കൂടുതൽ മത്സരങ്ങൾ കാര്യവട്ടത്തേക്ക് വരണമെന്ന് ചലച്ചിത്ര താരം മമ്മൂട്ടി. ഡിസംബർ എട്ടിന് കാര്യവട്ടം ഗ്രീന്‍ഫീല്‍ഡ് സ്‌റ്റേഡിയത്തില്‍ നടക്കുന്ന ഇന്ത്യ-വെസ്റ്റ് ഇൻഡീസ് ട്വന്റി-20 മത്സരത്തിനുള്ള ഓൺലൈൻ ടിക്കറ്റ് വിൽപനക്ക് തുടക്കം കുറിച്ച് സംസാരിക്കുകയായിരുന്നു അദ്ദേഹം.
5000 രൂപ മുതല്‍ 1000 രൂപ വരെയാണ് ടിക്കറ്റ് നിരക്ക്. അതേസമയം വിദ്യാർഥികൾക്കായി 500 രൂപയുടെ ടിക്കറ്റുകളും സംഘാടകർ ഒരുക്കിയിട്ടുണ്ട്. ജി എസ് ടി യും പ്രളയ സെസും ചേർത്താണ് നിരക്ക് നിശ്ചയിരിക്കുന്നത്. ഒരു മൊബൈൽ നമ്പറിൽ നിന്നും ഇ മെയിലിൽ നിന്നും ആറ് ടിക്കറ്റുകൾ വരെ ബുക്ക് ചെയ്യാം. തിരുവനന്തപുരത്ത് നടന്ന ചടങ്ങിൽ ബിസിസിഐ സെക്രട്ടറി ജയേഷ് ജോർജ്ജ്, സഞ്ജു വി സാംസൺ തുടങ്ങിയവരും പങ്കെടുത്തു. പേ ടി എം ആപ്പ്, പേ ടി എം ഇൻസൈഡർ ,പേ ടി എം വെബ്സൈറ്റായ www.lnsider.in, paytm.com, keralacricketassociation.com തുടങ്ങിയവയിലൂടെ ടിക്കറ്റുകൾ ബുക്ക് ചെയ്യാം.
