തിരുവനന്തപുരം: തിരുവനന്തപുരം കോര്‍പ്പറേഷനിലെ വീട്ടുകരം വെട്ടിപ്പ് കേസില്‍ വീണ്ടും അറസ്റ്റ്. നേമം സോണല്‍ ഓഫീസിലെ കാഷ്യര്‍ സുനിതയാണ് അറസ്റ്റിലായത്. നേമം സോണില്‍ നിന്നുള്ള ആദ്യ അറസ്റ്റാണിത്. കഴിഞ്ഞ ദിവസം കേസില്‍ ശ്രീകാര്യം സോണല്‍ ഓഫീസിലെ അറ്റന്‍ഡര്‍ ബിജുവിനെ അറസ്റ്റ് ചെയ്‌തിരുന്നു. 5.12 ലക്ഷം രൂപയുടെ നികുതി തട്ടിപ്പാണ് ശ്രീകാര്യം സോണില്‍ കണ്ടെത്തിയത്.
32 ലക്ഷത്തോളം രൂപയുടെ നികുതി തട്ടിപ്പില്‍ 25 ലക്ഷം രൂപയോളം തട്ടിപ്പ് നടന്നത് നേമം സോണിലാണ്. കേസുമായി ബന്ധപ്പെട്ട് സുനിതയെ അടക്കം ഏഴ്‌ ജീവനെക്കാരെ നേരത്തെ സസ്പെന്ഡ് ചെയ്‌തിരുന്നു.
Read More: തിരുവനന്തപുരം കോർപ്പറേഷനിലെ നികുതി തട്ടിപ്പില്‍ ഒരാള്‍ അറസ്റ്റില്‍
പൊതുജനം നികുതിയടച്ച പണം നഗരസഭയുടെ ബാങ്ക് അക്കൗണ്ടില്‍ അടയ്‌ക്കാതെ വ്യാജ കൗണ്ടര്‍ ഫോയില്‍ ഉണ്ടാക്കി തട്ടിയെന്നാണ് പരാതി. കോര്‍പ്പറേഷനിലെ വീട്ടുകരം വെട്ടിപ്പില്‍ ശ്രീകാര്യം, നേമം, ആറ്റിപ്ര സോണുകളിലായി ആകെ 32.97 ലക്ഷത്തിന്‍റെ തട്ടിപ്പ് നടന്നുവെന്നാണ് നഗരസഭ സെക്രട്ടറി സർക്കാരിന് നൽകിയ റിപ്പോർട്ട്.
Read More: വീട്ടുകരം തട്ടിപ്പ് : പ്രതികളെ ഒരു മന്ത്രി സംരക്ഷിക്കുന്നുവെന്ന് ബിജെപി
