തിയേറ്ററുകൾ തുറക്കുന്നത് വൈകും; സർക്കാർ തീരുമാനം അംഗീകരിച്ച് ഫിയോക്

കൊവിഡ് വ്യാപനം ദിനംപ്രതി വർധിക്കുന്നസാഹചര്യത്തിലാണ് തീരുമാനം. വിഷയത്തിൽ സർക്കാരിനുമേൽ അധിക സമ്മർദം വേണ്ടെന്ന നിലപാടാണ് തിയേറ്ററുടമകളുടെ സംഘടനയായ ഫിയോക് സ്വീകരിച്ചിരിക്കുന്നത്.

തിരുവനന്തപുരം: തിയേറ്ററുകൾ തുറക്കുന്നതുമായി ബന്ധപ്പെട്ട് സർക്കാർ നിലപാട് അംഗീകരിച്ച് തിയറ്ററുടമകളുടെ സംഘടന ഫിയോക്. കൊവിഡ് രോഗവ്യാപന നിരക്ക് വർധിക്കുന്ന സാഹചര്യത്തിൽ തിയേറ്ററുകൾ തത്കാലം തുറക്കേണ്ടേതില്ലെന്നാണ് തീരുമാനം.

മുഖ്യമന്ത്രിയുമായി കഴിഞ്ഞ ദിവസം ഫിയോക് പ്രതിനിധികൾ നടത്തിയ ചർച്ചയിൽ ലഭിച്ച അനുകൂല നിലപാടുകളുടെ കൂടി പശ്ചാത്തലത്തിലാണ് തീരുമാനം. തിയേറ്ററുകൾ തുറക്കുന്ന കാര്യത്തിൽ സർക്കാരിനുമേൽ അധിക സമ്മർദം വേണ്ടെന്ന നിലപാടാണ് ഫിയോക് എക്‌സിക്യൂട്ടീവ് യോഗത്തിലും ഉണ്ടായത്.