തിരുവനന്തപുരം: പി.എസ്.സി പരീക്ഷ മാറ്റി വയ്ക്കണമെന്നാവശ്യവുമായി ഉദ്യോഗാര്‍ഥികള്‍. സംഭവത്തിലിടപ്പെട്ട് മനുഷ്യാവകാശ കമ്മിഷന്‍. നവംബര്‍ രണ്ടിന് നടത്താനിരിക്കുന്ന അസിസ്റ്റന്‍റ് പ്രഫസര്‍ പരീക്ഷ മാറ്റണമെന്നാണ് ആവശ്യം.
ഉദ്യോഗാർഥികളിൽ ഭൂരിഭാഗവും സ്ത്രീകളാണ്. തിരുവനന്തപുരം, എറണാകുളം ,കോഴിക്കോട് ജില്ലകളിൽ മാത്രമാണ് പരീക്ഷ സെൻ്റർ ഉള്ളത്. ജില്ലകളിൽ എത്താൻ പൊതുഗതാഗതം ആവശ്യാനുസരണം ലഭ്യമല്ല. ഈ സാഹചര്യത്തിലാണ് പരീക്ഷ മാറ്റണമെന്നാവശ്യം ശക്തമായിരിക്കുന്നത്. ഉദ്യോഗാർഥികളുടെ ആവശ്യം പരിശോധിച്ച് അടിയന്തര നടപടി സ്വീകരിക്കണമെന്ന് മനുഷ്യാവകാശ കമ്മിഷന്‍ പി.എസ്.സിയോട് നിര്‍ദേശിച്ചു. ഡിസംബറിൽ നടത്തേണ്ട പല പരീക്ഷകളും പി.എസ്.സി മാറ്റി വെച്ചിട്ടുണ്ടെന്നും ഉദ്യോഗാര്‍ഥികള്‍ വാദിക്കുന്നു.
