തിരുവനന്തപുരം : സംസ്ഥാന ചലച്ചിത്ര പുരസ്‌കാര പ്രഖ്യാപനം ശനിയാഴ്‌ച. 30 സിനിമകളാണ് അന്തിമപട്ടികയിലുള്ളത്. പ്രാഥമിക ജൂറി, അന്തിമ ജൂറി എന്നിങ്ങനെ തിരിച്ച് ദേശീയ പുരസ്‌കാര മാതൃകയിലാണ് ഇത്തവണത്തെ സംസ്ഥാന പുരസ്‌കാരവും നിർണയിക്കുന്നത്.
നടി സുഹാസിനിയാണ് അന്തിമ ജൂറി അധ്യക്ഷ. സംവിധായകൻ ഭദ്രൻ, കന്നട സംവിധായകൻ പി ശേഷാദ്രി എന്നിവരാണ് പ്രാഥമിക ജൂറി
അധ്യക്ഷൻമാർ. പ്രാഥമിക ജൂറി കണ്ട് വിലയിരുത്തി നിർദേശിക്കുന്ന ചിത്രങ്ങളിൽ നിന്നാകും അന്തിമ ജൂറി പുരസ്‌കാര ജേതാക്കളെ നിർണയിക്കുക.
ALSO READ:'തിരിച്ചടികളുണ്ടായി, മുറിയില്‍ ഒതുങ്ങിപ്പോയി, ഒടുവില്‍ ആ തീരുമാനമെടുത്തു' ; ആൻ അഗസ്റ്റിൻ പറയുന്നു
മികച്ച നടനും നടിക്കുമുള്ള പുരസ്‌കാരത്തിന് ഇത്തവണ കടുത്ത മത്സരം നടക്കുമെന്നാണ് സൂചന. ബിജു മേനോൻ, ഫഹദ് ഫാസിൽ, ജയസൂര്യ, ഇന്ദ്രൻസ്, സുരാജ് വെഞ്ഞാറമൂട്, ടോവിനോ തോമസ് തുടങ്ങിയവരുടെ കഥാപാത്രങ്ങൾ മാറ്റുരയ്ക്കും. നടിമാരിൽ ശോഭന, അന്ന ബെൻ, നിമിഷ സജയൻ, പാർവതി തിരുവോത്ത്, സംയുക്ത മേനോൻ തുടങ്ങിയവർ തമ്മിലാണ് പ്രധാന മത്സരം.
