തിരുവനന്തപുരം : പുനസംഘടനയില്‍ തീര്‍ത്തും തഴയപ്പെട്ടതുകൊണ്ടാണ് 50 വര്‍ഷത്തെ കോണ്‍ഗ്രസ് ബന്ധം ഉപേക്ഷിച്ചതെന്ന് പാര്‍ട്ടിയില്‍ നിന്ന് രാജിവച്ച് സിപിഎമ്മില്‍ ചേര്‍ന്ന സോളമന്‍ അലക്‌സ്.
READ MORE: കലഹമൊഴിയാതെ കോണ്‍ഗ്രസ് ; സോളമന്‍ അലക്‌സും സിപിഎമ്മിലേക്ക്
പാര്‍ട്ടി പുനസംഘടനയില്‍ കെപിസിസി ജനറല്‍ സെക്രട്ടറിയാക്കണമെന്ന് ആവശ്യപ്പെട്ടിരുന്നു. എന്നാല്‍ ഉമ്മന്‍ചാണ്ടി കൈമാറിയ പട്ടികയില്‍ താനില്ല. പിന്നെയെന്തിന് ആ പാര്‍ട്ടിയില്‍ തുടരണമെന്നും സോളമൻ ചോദിച്ചു.
നിയമസഭ തെരഞ്ഞെടുപ്പില്‍ തുടര്‍ച്ചയായി അവഗണിക്കപ്പെട്ടു. ഈ അവഗണന സഹിച്ച് ഇനിയും കോണ്‍ഗ്രസില്‍ തുടരാനില്ലെന്നും വിശദമായി കാര്യങ്ങള്‍ വെള്ളിയാഴ്‌ച വാര്‍ത്താസമ്മേളനത്തില്‍ വ്യക്തമാക്കുമെന്നും അദ്ദേഹം കൂട്ടിച്ചേർത്തു.
പാര്‍ട്ടിവിട്ട സാഹചര്യത്തില്‍ ഒത്തുതീര്‍പ്പുകള്‍ക്ക് ഇനി സാധ്യതയില്ലെന്നും ആരുവിചാരിച്ചാലും തീരുമാനത്തില്‍ മാറ്റമില്ലെന്നും സോളമന്‍ അലക്‌സ് ഇടിവി ഭാരതിനോട് പറഞ്ഞു.
