തിരുവനന്തപുരം: പ്രതിപക്ഷ നിരയിലെ ഏക വനിതാ എംഎൽഎയായ ഷാനിമോൾ ഉസ്മാൻ സംസ്ഥാന സർക്കാരിന് എതിരായ പ്രതിഷേധ സമരങ്ങളുമായി സജീവം. കെപിസിസിയുടെ ഒബിസി വിഭാഗം സംഘടിപ്പിച്ച സെക്രട്ടേറിയറ്റ് ധർണ ഉദ്ഘാടനം ചെയ്താണ് സർക്കാരിനെതിരായ ആദ്യ പ്രത്യക്ഷ സമര പരിപാടിയിൽ ഷാനിമോൾ ഭാഗമായത്.
സർക്കാരിന് എതിരെ പ്രതിഷേധം ഉയർത്തി പ്രതിപക്ഷനിരയിലെ ഏക വനിതാ എംഎല്‍എ
പിന്നാക്ക വിഭാഗ വികസന വകുപ്പിന്റെ പ്രവർത്തനം കാര്യക്ഷമമാക്കുക, ഒബിസി പ്രീമെട്രിക് സ്കോളർഷിപ്പ് മാനദണ്ഡങ്ങളിലുള്ള വിവേചനങ്ങൾ തിരുത്തുക എന്നീ ആവശ്യങ്ങൾ ഉന്നയിച്ചായിരുന്നു പ്രതിഷേധം. പ്രതിഷേധ പരിപാടി കഴിഞ്ഞിറങ്ങിയ ഉടൻ സംസ്ഥാന സർക്കാർ പ്രതിക്കൂട്ടിലായ വാളയാർ വിഷയത്തിൽ സിബിഐ അന്വേഷണം വേണമെന്ന ശക്തമായ നിലപാട് ഇടിവി ഭാരതത്തിനോട് പങ്കുവെച്ചു. എന്നും പാർട്ടിക്കൊപ്പം സജീവമാണെന്ന് പറഞ്ഞ ഷാനിമോൾ പ്രവർത്തകർക്കൊപ്പം സെൽഫിയും എടുത്തതാണ് മടങ്ങിയത്.
