തിരുവനന്തപുരം: ലോകായുക്ത വിധി ഹൈക്കോടതി ശരിവെച്ച നടപടി ജലീലിന്‍റെ മാത്രമല്ല മുഖ്യമന്ത്രിയുടെയും സിപിഎമ്മിന്‍റെയും മുഖത്തേറ്റ പ്രഹരമാണെന്ന് പ്രതിപക്ഷ നേതാവ് രമേശ് ചെന്നിത്തല.
കൂടുതൽ വായനക്ക്: ബന്ധുനിയമന വിവാദം : മന്ത്രി കെ.ടി ജലീൽ രാജിവച്ചു
ധാർമികത കൊണ്ടല്ല നിൽക്കക്കള്ളിയില്ലാതെയാണ് ജലീൽ രാജിവച്ചതെന്ന് പ്രതിപക്ഷം പറഞ്ഞത് ഹൈക്കോടതി വിധിയോടെ ശരിയെന്ന് തെളിഞ്ഞു. ഹൈക്കോടതിയിൽ നിന്ന് അനുകൂല വിധി കിട്ടില്ലെന്ന് ഉറപ്പായതോടെയാണ് ജലീൽ രാജിവച്ചത്.
കൂടുതൽ വായനക്ക്: ബന്ധു നിയമന വിവാദം; കെടി ജലീൽ കുറ്റക്കാരനെന്ന് ലോകായുക്ത
ജലീലിന്‍റെ ബന്ധുവിനെ നിയമിക്കാൻ മന്ത്രിസഭയെ മറികടന്ന് യോഗ്യതയിൽ ഇളവ് വരുത്തിയത് മുഖ്യമന്ത്രിയാണ്. അതിനാൽ ഹൈക്കോടതിയുടെ വിധി മുഖ്യമന്ത്രിക്കെതിരായ കുറ്റപത്രം കൂടിയാണ്. ധാർമികത അൽപ്പമെങ്കിലും അവശേഷിക്കുന്നുണ്ടെങ്കിൽ മുഖ്യമന്ത്രിയും സ്ഥാനത്ത് തുടരരുതെന്ന് രമേശ് ചെന്നിത്തല പറഞ്ഞു.
