തിരുവനന്തപുരം ബുധനാഴ്ച മുതൽ കാലവർഷം ശക്തമാകുമെന്ന മുന്നറിയിപ്പുമായി കാലാവസ്ഥ നിരീക്ഷണ കേന്ദ്രം. ബുധനാഴ്ച എട്ട് ജില്ലകളിൽ യെല്ലോ അലർട്ട് നൽകിയിട്ടുണ്ട്. കോട്ടയം എറണാകുളം, ഇടുക്കി ,മലപ്പുറം, കോഴിക്കോട് ,കണ്ണൂർ, കാസർകോട് ജില്ലകളിലാണ് മുന്നറിയിപ്പ്. വ്യാഴാഴ്ച പാലക്കാട് ,വയനാട് ജില്ലകളിലൊഴികെ മറ്റ് ജില്ലകളിലും യെല്ലോ അലർട്ട് പ്രഖ്യാപിച്ചു.
വ്യാഴം,വെള്ളി ദിവസങ്ങളിൽ അതിതീവ്രമായ മഴക്ക് സാധ്യതയുണ്ട്. തിങ്കളാഴ്ച എട്ട് ജില്ലകളിലാണ് യെല്ലോ അലർട്ട് പ്രഖ്യാപിച്ചത്. ആലപ്പുഴ, എറണാകുളം, ഇടുക്കി ,തൃശൂർ ,മലപ്പുറം, കോഴിക്കോട് ,കണ്ണൂർ, കാസർകോട് ജില്ലകളിലാണ് ഇന്ന് യെല്ലോ അലർട്ട് പ്രഖ്യാപിച്ചത്.. വെള്ളിയാഴ്ച സംസ്ഥാന വ്യാപകമായി ശക്തമായ മഴ ലഭിക്കുമെന്നാണ് മുന്നറിയിപ്പ്. ഇടുക്കിയിൽ ഓറഞ്ച് അലർട്ടും മറ്റ് ജില്ലകളിലെല്ലാം യെല്ലോ അലർട്ട് നിർദ്ദേശവും നൽകിയിട്ടുണ്ട്.
