തിരുവനന്തപുരം: തെരഞ്ഞെടുപ്പ് പ്രചാരണത്തിനായി രാഹുൽ ഗാന്ധി ഇന്ന് കേരളത്തിലെത്തും. ഇന്നും നാളെയുമായി എറണാകുളം, ആലപ്പുഴ, കോട്ടയം ജില്ലകളിൽ രാഹുൽ ഗാന്ധി പ്രചാരണം നടത്തും. ഇന്ന് രാവിലെ 11 മണിക്ക് കൊച്ചിയിൽ എത്തുന്ന രാഹുൽ ഗാന്ധി 11.30 ന് സെന്‍റ് തെരേസാസ് കോളജിലെ വിദ്യാർഥിനികളുമായി സംവദിക്കും.
തുടർന്ന് വൈപ്പിൻ, കൊച്ചി, തൃപ്പൂണിത്തുറ, മണ്ഡലങ്ങളിലെ തെരഞ്ഞെടുപ്പ് പൊതുയോഗങ്ങളിൽ പങ്കെടുക്കും. വൈകുന്നേരം ആലപ്പുഴയിലെ അരൂർ, ചേർത്തല, ആലപ്പുഴ, അമ്പലപ്പുഴ, ഹരിപ്പാട്, കായംകുളം മണ്ഡലങ്ങളിലെ പൊതുയോഗങ്ങളിലും പ്രസംഗിക്കും. നാളെ കോട്ടയം, പുതുപ്പള്ളി, കാഞ്ഞിരപ്പള്ളി, പാല, പിറവം, കുന്നത്തുനാട്, മുവാറ്റുപുഴ, പെരുമ്പാവൂർ, അങ്കമാലി മണ്ഡലങ്ങളിലും അദ്ദേഹം പ്രചാരണം നടത്തും.
