തിരുവനന്തപുരം : കെ.എസ്.ആർ.ടി.സി ബസുകളിൽ ഉച്ചത്തിൽ മൊബൈൽ ഫോൺ ഉപയോഗിക്കുന്നതിന് വിലക്കേർപ്പെടുത്തി. യാത്രക്കാരുടെ താൽപര്യങ്ങൾ സംരക്ഷിച്ച് സുരക്ഷിതമായ യാത്ര പ്രദാനം ചെയ്യുന്നതിനായാണ് കെ.എസ്.ആർ.ടി.സിയുടെ നീക്കം.
ബസുകളിൽ യാത്രക്കാർ അമിത ശബ്ദത്തിൽ സഭ്യമല്ലാത്ത രീതിയിൽ സംസാരിക്കുന്നതും, ഉച്ചത്തിൽ വീഡിയോ, ഗാനങ്ങൾ കേൾക്കുന്നതും സംബന്ധിച്ച് പരാതികൾ ഉയരുന്നതിനിടെയാണ് നടപടി.
ഇത്തരം പെരുമാറ്റം യാത്രക്കാർ തമ്മിൽ അനാരോഗ്യവും, അസുഖകരവുമായ യാത്രാ അന്തരീക്ഷം സൃഷ്ടിക്കുകയും ചെയ്‌തിരുന്നു. നിരോധനം ഏര്‍പ്പെടുത്തിയ വിവരം ബസിനുള്ളിൽ എഴുതി പ്രദർശിപ്പിക്കും.
