പൊലീസ് വാഹനം ആക്രമിച്ച് പ്രതിയെ രക്ഷപെടുത്തുന്ന ദൃശ്യങ്ങൾ പുറത്ത്

സംഭവവുമായി ബന്ധപ്പെട്ട് രണ്ട് പേരെ പൊലീസ് കസ്റ്റഡിയിലെടുത്തിട്ടുണ്ട്.

തിരുവനന്തപുരം: തിരുവല്ലം പൊലീസ് സ്‌റ്റേഷനിലെ വാഹനം ആക്രമിച്ച് പ്രതിയെ രക്ഷപെടുത്തിയ ദൃശ്യങ്ങൾ പുറത്ത്. വണ്ടിത്തടം ശാന്തിപുരം ജംഗ്ഷനു സമീപമായിരുന്നു ആക്രമണം. മോഷണം,കഞ്ചാവ് കച്ചവടം എന്നിവയുമായി ബന്ധപ്പെട്ട സുധി എന്ന് പ്രതിയെ ഫോർട്ട് പൊലീസ് അറസ്റ്റ് ചെയ്തിരുന്നു. ഇയാളുടെ കൂട്ടുപ്രതിയായ ശാന്തിപുരം നന്ദുവിനെ അറസ്റ്റ് ചെയ്യാനെത്തിയ പൊലീസിനു നേരെയാണ് ആക്രമണമുണ്ടായത്. പ്രതിയുടെ വീടിന് 50 മീറ്റർ എത്തിയപ്പോൾ തന്നെ പൊലീസിനു നേർക്ക് ആക്രമണം ഉണ്ടായി. പെട്രോൾ ബോംബ് എറിയുകയും പൊലീസ് ജീപ്പ് കല്ലെറിഞ്ഞു തകർക്കുകയും ചെയ്തു. ഇതേ തുടർന്ന് പൊലീസുകാർ അടുത്തുള്ള വീടുകളിൽ അഭയം തേടി. ഈ സമയത്താണ് കസ്റ്റഡിയിൽ ഉണ്ടായിരുന്ന പ്രതി ഓടി രക്ഷപ്പെട്ടത്. സംഭവവുമായി ബന്ധപ്പെട്ട് രണ്ട് പേരെ പൊലീസ് കസ്റ്റഡിയിലെടുത്തിട്ടുണ്ട്.