നെയ്യാറ്റിൽ വൃദ്ധ മരിച്ച നിലയിൽ; ആത്മഹത്യയെന്ന് പ്രാഥമിക നിഗമനം

ആര്യങ്കോട് സ്വദേശി ലളിത ഭായി(75)യുടെ മൃതദേഹമാണ് കണ്ടെത്തിയത്.

തിരുവനന്തപുരം: നെയ്യാർ പാലക്കടവിൽ വൃദ്ധയെ മരിച്ച നിലയിൽ കണ്ടെത്തി. ആര്യങ്കോട് സ്വദേശി ലളിത ഭായി(75)യുടെ മൃതദേഹമാണ് കണ്ടെത്തിയത്. കഴിഞ്ഞ ദിവസം മുതൽ ഇവരെ കാണാതായിരുന്നു.

പശുവണ്ണറ സ്വദേശിയായ മകൻ സന്തോഷിനൊപ്പമായിരുന്നു ഇവർ താമസിച്ചിരുന്നത്. കാണാതായതിനെ തുടർന്ന് ആര്യങ്കോട് പൊലീസിൽ പരാതി നൽകിയിരുന്നു.

ആത്മഹത്യ എന്നാണ് പ്രാഥമിക നിഗമനം. മൃതദേഹം തിരുവനന്തപുരം മെഡിക്കൽ കോളേജ് മോർച്ചറിയിലേക്ക് മാറ്റി.