തിരുവനന്തപുരം: എന്എസ്എസ്, യുഡിഎഫിനെ പിന്തുണക്കുന്നതില്‍ സന്തോഷമെന്ന് എഐസിസി ജനറല്‍ സെക്രട്ടറി ഉമ്മന്‍ചാണ്ടി. യുഡിഎഫിന് എല്ലാ വിഭാഗങ്ങളുടെയും പിന്തുണ ലഭിക്കുകയാണ്. ഈ പിന്തുണ പാര്ലമെന്റ് തെരഞ്ഞെടുപ്പ് കാലത്ത് തെളിഞ്ഞതാണ്. തങ്ങള്‍ക്കെതിരായി നിലപാട് സ്വീകരിക്കുന്നവരെ വിമര്‍ശിക്കുക എന്നത് സിപിഎം ശൈലിയാണ്. അതുകൊണ്ടാണ് എന്‍എസ്‌എസിനെതിരെ വിമര്‍ശനവുമായി അവര്‍ രംഗത്ത് വന്നിരിക്കുന്നത്. ശബരിമല വിഷയത്തില്‍ എല്‍ഡിഎഫ് സര്‍ക്കാര്‍ സുപ്രീംകോടതിയില്‍ നല്‍കിയ സത്യവാങ്മൂലം പിന്‍വലിച്ചാല്‍ ശബരിമല പ്രശ്‌നം അവസാനിക്കും. യുഡിഎഫ് ആരുമായും വോട്ടു കച്ചവടത്തിനില്ലെന്നും സ്വന്തം ശക്തിയില്‍ യുഡിഎഫിന് വിശ്വാസമുണ്ടെന്നും ഉമ്മന്‍ചാണ്ടി വട്ടിയൂര്‍ക്കാവില്‍ പറഞ്ഞു.
യുഡിഎഫിനെ എന്എസ്എസ് പിന്തുണയ്ക്കുന്നതില്‍ സന്തോഷം: ഉമ്മന്‍ചാണ്ടി
