തിരുവനന്തപുരം: ആസ്വാദകർക്ക് വേറിട്ട അനുഭവം സമ്മാനിച്ച് പ്രശസ്ത കവി മുരുകന്‍ കാട്ടാക്കടയുടെ കവിതകളുടെ ദൃശ്യാവിഷ്കാരം. സി.പി.എം ജില്ല സമ്മേളനത്തിന് മുന്നോടിയായി നെയ്യാറ്റിൻകര ധനുവച്ചപുരത്ത് സംഘടിപ്പിച്ച സെമിനാറിലാണ് പരിപാടി അവതരിപ്പിച്ചത്.
സ്ത്രീകൾക്കെതിരെയുള്ള അതിക്രമത്തിനെതിരായ 'കനൽ പൊട്ടി'ന്‍റെ ദൃശ്യാവിഷ്കാരമായിരുന്നു ആദ്യം. രക്തസാക്ഷി, ബാഗ്‌ദാദ്, കണ്ണട, മനുഷ്യനാകണം, തുടങ്ങി കവിയുടെ ശ്രദ്ധേയ കവിതകളെല്ലാം വേദിയിൽ ദൃശ്യഭംഗിയോടെ അവതരിപ്പിച്ചു.
Also Read: പാറശാലയിലെ മെഗാതിരുവാതിര : 550 പേർക്കെതിരെ കേസെടുത്ത് പൊലീസ്
രണ്ടര മണിക്കൂർ നീണ്ട പൊയട്രി ഷോ ചലച്ചിത്ര സംഗീത സംവിധായകൻ വിജയ്‌ കരുണ്‍, കിളിക്കൂട്ടം സുരേന്ദ്രൻ, സൈദ് സബർമതി, സന്തോഷ് കുമാർ എന്നിവർ ചേർന്നാണ് അണിയിച്ചൊരുക്കിയത്. ദേവിക, ആലേന ജാസ്മിന്‍ എന്നിവരുടെ പ്രകടനങ്ങളും സദസിന് വേറിട്ട അനുഭവമായി.
