തിരുവനന്തപുരം: കെൽട്രോണിന്‍റെ പേര് വിവാദങ്ങളിൽ പരാമർശിക്കുന്നത് ആ സ്ഥാപനത്തിന്‍റെ അപകീർത്തിക്ക് കാരണമാകുമെന്ന് വ്യവസായ മന്ത്രി പി. രാജീവ്. കെൽട്രോണിന്‍റെ വീണ്ടെടുക്കലിന്‍റെയും മുന്നേറ്റത്തിന്‍റെയും സന്ദർഭമാണിതെന്നും മന്ത്രി പി രാജീവ് തിരുവനന്തപുരത്ത് മാധ്യമങ്ങളോട് പറഞ്ഞു. വിക്രാന്ത് നിർമാണത്തിൽ കെൽട്രോൺ പങ്കാളിയായ പി.നാരായണമൂർത്തിയെ എക്‌സിക്യൂട്ടീവ് അംഗമായി ഉൾപ്പെടുത്തിയിട്ടുണ്ട്.
ഗതാഗത വകുപ്പിന്‍റെ പ്രവർത്തനങ്ങളെ കുറിച്ച് പരാതി ലഭിച്ചപ്പോൾ വിജിലൻസ് ഉൾപ്പെടെ അന്വേഷിക്കട്ടെ എന്ന് ആവശ്യപ്പെട്ടിരുന്നു. കെൽട്രോണിന്‍റെ എഐ ക്യാമറ വിവാദം വല്ലാത്തൊരു പ്രതീതി ഉണ്ടാക്കിയിട്ടുണ്ട്. നേരത്തെയും ഇത് പോലെയുള്ള ആരോപണങ്ങള്‍ ഉണ്ടായിട്ടുണ്ട്.
100 ക്യാമറയ്ക്ക് 40 കോടി എന്ന പദ്ധതി ഉമ്മൻ‌ചാണ്ടി സർക്കാരിന്‍റെ കാലത്ത് കൊണ്ടു വന്നിരുവെന്ന് കെൽട്രോണിന്‍റെ റിപ്പോർട്ട്‌ വിലയിരുത്തി. വിജിലൻസ് പരിശോധനയ്ക്ക് കെൽട്രോണിന്‍റെ എല്ലാ രേഖകളും നൽകണമെന്ന് നിർദേശമുണ്ട്. ഇത് സംബന്ധിച്ച എല്ലാ രേഖകളും പൊതു ജനത്തിന് ലഭ്യമാണ്.
ഇത് സംബന്ധിച്ചിട്ടുള്ളതെല്ലാം പബ്ലിക് ഡൊമൈന്‍സിലുണ്ട്. എന്നാല്‍ അതാരും ശ്രദ്ധിക്കുന്നില്ലെന്നതാണ് വാസ്‌തവം. സര്‍ക്കാറും ഗതാഗത വകുപ്പും കെല്‍ട്രോണിന് നല്‍കിയ നിര്‍ദേശങ്ങള്‍, ടെക്‌നിക്കല്‍ കമ്മിറ്റി ശുപാര്‍ശകള്‍ എന്നിവയെല്ലാം ഡൊമൈന്‍സിലുണ്ട്. ഫെസിലിറ്റി മാനേജ്‌മെന്‍റ് സര്‍വീസ് എന്നുള്ളത് യഥാര്‍ഥത്തില്‍ ക്യാമറയുടെ മൈന്‍ഡനന്‍സ് അല്ല.
കെല്‍ട്രോണ്‍ വികസിപ്പിച്ചെടുത്ത പ്രത്യേക ക്യാമറ തന്നെയാണിതെന്നും അതിനായി ഒരു രൂപ പോലും കെല്‍ട്രോണിന് ഇതുവരെ നല്‍കിയിട്ടില്ലെന്നും മന്ത്രി പറഞ്ഞു. മൈന്‍ഡനന്‍സ് ചാര്‍ജ് നല്‍കുന്നില്ല മറിച്ച് കണ്‍ട്രോള്‍ റൂമില്‍ നിയമിക്കുന്ന ജീവനക്കാര്‍ക്ക് ശമ്പളമാണ് നല്‍കുന്നതെന്നും മന്ത്രി കൂട്ടിച്ചേര്‍ത്തു.
ഇക്കാര്യത്തില്‍ സർക്കാരിന് ഒന്നും മറക്കാനില്ല. ഒന്‍പത് ലക്ഷം രൂപയെന്ന് പറയുമ്പോൾ ക്യാമറ തന്നെ 11 മുതൽ 12 വരെ കമ്പോണേന്‍റ്സ് ഉൾപ്പെടുന്നതാണ്. 25.65 കോടി ഇതിൽ ജിഎസ്‌ടിയാണ്. കൂടാതെ സ്റ്റേറ്റ് കൺട്രോൾ റൂം പ്രവർത്തിക്കുന്നു.
വോട്ടർ പട്ടിക ഉപയോഗിച്ച് മുൻ പ്രതിപക്ഷ നേതാവ് നടത്തിയ വാർത്ത സമ്മേളനത്തോടെ തെരഞ്ഞെടുപ്പ് കമ്മിഷൻ ഓർഡർ റദ്ദ് ചെയ്യുകയും 150 ഓളം പേരുടെ തൊഴിൽ നഷ്‌ടപ്പെടുകയും ചെയ്‌തു. സേഫ് കേരള പ്രൊജക്റ്റ്‌ ഉൾപ്പെടെ നിരവധി പരാതികൾ ഗതാഗത വകുപ്പിന് എതിരെ ലഭിച്ചപ്പോളാണ് വിജിലൻസ് അന്വേഷണത്തിന് നിർദേശം നൽകിയത്. വിജിലൻസ് അന്വേഷണം നേരിടുന്ന പദ്ധതി മന്ത്രിസഭ യോഗത്തിൽ ചർച്ച ചെയ്യുന്നതിൽ അനൗചിത്യമില്ല.
ഉപകരാർ നൽകുന്നത് ഗതാഗത വകുപ്പിനെ അറിയിക്കേണ്ട കാര്യമില്ല. സേഫ് കേരള പദ്ധതിയിലൂടെ സംസ്ഥാനത്തുണ്ടാകുന്ന ഏകദേശം ഒന്നേകാൽ ലക്ഷം നിയമ ലംഘനങ്ങൾ കുറയ്ക്കാൻ കഴിഞ്ഞു. എസ്ആർഐടി നല്ല രീതിയിൽ പ്രവർത്തിക്കുന്ന കമ്പനിയാണ്. പ്രതിപക്ഷ നേതാവിന്‍റെ പത്ര സമ്മേളനം പുക മറ സൃഷ്‌ടിച്ചിരിക്കുകയാണെന്നും വ്യവസായ മന്ത്രി പി.രാജീവ് പറഞ്ഞു.
also read: വേനല്‍ ചൂടിനാശ്വാസമായി മഴയെത്തി; 2 ജില്ലകളില്‍ യെല്ലോ അലര്‍ട്ട്; താപനില ഇനിയും ഉയര്‍ന്നേക്കാം
