തിരുവനന്തപുരം: മദ്യപിച്ച് പൊതു നിരത്തിലും പൊലീസ് സ്റ്റേഷനിലും ബഹളമുണ്ടാക്കിയ പൊലീസ് ഉദ്യോഗസ്ഥന് സസ്പെൻഷൻ. മംഗലപുരം പൊലീസ് സ്റ്റേഷനിലെ സീനിയർ സിവിൽ പൊലീസ് ഓഫീസർ കോലിയക്കോട് സ്വദേശി ജി ബി ബിജുവിനെയാണ് തിരുവനന്തപുരം റൂറൽ എസ്പി ബി അശോക് സസ്പെൻഡ് ചെയ്തത്. ബിജുവിന്റെ പരാക്രമങ്ങൾ സാമൂഹിക മാധ്യമങ്ങളിൽ വൈറലായതോടെയാണ് റൂറൽ എസ്പി നടപടിയെടുത്തത്.
വ്യാഴാഴ്‌ച രാത്രിയിലാണ് കേസിനാസ്പദമായ സംഭവം നടന്നത്. തിരുവനന്തപുരം പൊലീസ് സഹകരണ സംഘം തെരഞ്ഞെടുപ്പിലെ വിജയാഘോഷങ്ങൾക്ക് ശേഷം മംഗലപുരം സ്റ്റേഷനിലെത്തിയ ബിജു പടക്കം പൊട്ടിക്കുകയും കാറിലിരുന്ന് മദ്യപിക്കുകയും ചെയ്തു. തുടർന്ന് പോത്തൻകോട് ഭാഗത്തേക്ക് പോയ ഇയാളുടെ കാർ മറ്റ് വാഹനങ്ങളിലിടിച്ചു. ഇത് ചോദ്യം ചെയ്ത വാഹന ഉടമകളെ ഇയാൾ അസഭ്യം പറയുകയായിരുന്നു.
വിവരമറിഞ്ഞെത്തിയ മംഗലപുരം പൊലീസ് ബിജുവിനെ സ്റ്റേഷനിലെത്തിച്ചു. സ്റ്റേഷനിലെത്തിയ ബിജു മദ്യലഹരിയിൽ സ്റ്റേഷനിൽ കിടന്നുരുളുന്നതിന്‍റെയും പൊലീസുകാർ സമാധാനിപ്പിക്കുന്നതിന്‍റേതുമായ നാട്ടുകാർ പകർത്തിയ ദൃശ്യങ്ങൾ സാമൂഹിക മാധ്യമങ്ങളിലൂടെ പ്രചരിച്ചിരുന്നു.
തിരുവനന്തപുരം: മദ്യപിച്ച് പൊതു നിരത്തിലും പൊലീസ് സ്റ്റേഷനിലും ബഹളമുണ്ടാക്കിയ പൊലീസ് ഉദ്യോഗസ്ഥന് സസ്പെൻഷൻ. മംഗലപുരം പൊലീസ് സ്റ്റേഷനിലെ സീനിയർ സിവിൽ പൊലീസ് ഓഫീസർ കോലിയക്കോട് സ്വദേശി ജി ബി ബിജുവിനെയാണ് തിരുവനന്തപുരം റൂറൽ എസ്പി ബി അശോക് സസ്പെൻഡ് ചെയ്തത്. ബിജുവിന്റെ പരാക്രമങ്ങൾ സാമൂഹിക മാധ്യമങ്ങളിൽ വൈറലായതോടെയാണ് റൂറൽ എസ്പി നടപടിയെടുത്തത്.
വ്യാഴാഴ്‌ച രാത്രിയിലാണ് കേസിനാസ്പദമായ സംഭവം നടന്നത്. തിരുവനന്തപുരം പൊലീസ് സഹകരണ സംഘം തെരഞ്ഞെടുപ്പിലെ വിജയാഘോഷങ്ങൾക്ക് ശേഷം മംഗലപുരം സ്റ്റേഷനിലെത്തിയ ബിജു പടക്കം പൊട്ടിക്കുകയും കാറിലിരുന്ന് മദ്യപിക്കുകയും ചെയ്തു. തുടർന്ന് പോത്തൻകോട് ഭാഗത്തേക്ക് പോയ ഇയാളുടെ കാർ മറ്റ് വാഹനങ്ങളിലിടിച്ചു. ഇത് ചോദ്യം ചെയ്ത വാഹന ഉടമകളെ ഇയാൾ അസഭ്യം പറയുകയായിരുന്നു.
വിവരമറിഞ്ഞെത്തിയ മംഗലപുരം പൊലീസ് ബിജുവിനെ സ്റ്റേഷനിലെത്തിച്ചു. സ്റ്റേഷനിലെത്തിയ ബിജു മദ്യലഹരിയിൽ സ്റ്റേഷനിൽ കിടന്നുരുളുന്നതിന്‍റെയും പൊലീസുകാർ സമാധാനിപ്പിക്കുന്നതിന്‍റേതുമായ നാട്ടുകാർ പകർത്തിയ ദൃശ്യങ്ങൾ സാമൂഹിക മാധ്യമങ്ങളിലൂടെ പ്രചരിച്ചിരുന്നു.
Please write to us, for media partnership and Ad-sales inquiries. Email: adops@etvbharat.com
