നിരവധി മോഷണക്കേസിലെ പ്രതി പിടിയിൽ

പിടിയിലായത് വിഴിഞ്ഞം കോട്ടപ്പുറം സ്വദേശി ഷിജിൻ

തിരുവനന്തപുരം : നിരവധി മോഷണക്കേസിലെ പ്രതി ബാലരാമപുരത്ത് അറസ്റ്റില്‍. വിഴിഞ്ഞം കോട്ടപ്പുറം സ്വദേശി ഷിജിൻ ആണ് പിടിയിലായത്. വിഴിഞ്ഞം, കോവളം, ബാലരാമപുരം, നെയ്യാറ്റിൻകര, മാറനല്ലൂർ ഉൾപ്പെടെ ജില്ലയ്ക്ക് അകത്തും പുറത്തുമായി നാൽപ്പതോളം കേസിലെ പ്രതിയാണ് ഷിജിൻ.

മംഗലത്തുകോണം കാട്ടുനട മുടിപ്പുരയിലെ കാണിക്കവഞ്ചിയും സമീപത്തെ രണ്ട് കടകളും കുത്തിത്തുറന്ന് മോഷണം നടത്തുന്നതിനിടെയാണ് പ്രതി പിടിയിലായത്. പ്രതിയെ നെയ്യാറ്റിൻകര കോടതിയിൽ ഹാജരാക്കും.