തിരുവനന്തപുരം: കേരള സർവകലാശാലയുടെ എ പ്ലസ് പ്ലസ് ഗ്രേഡ് നേട്ടം അന്തർദേശീയതലത്തിൽ എത്തുന്ന മുന്നേറ്റമാണെന്ന് മുഖ്യമന്ത്രി പിണറായി വിജയൻ. ഈ നേട്ടത്തിൽ മതിമറന്നു നിൽക്കരുതെന്നും മുഖ്യമന്ത്രി പറഞ്ഞു. കേരള സർവകലാശാല എ പ്ലസ് പ്ലസ് ഗ്രേഡ് നേടിയതിലുള്ള അനുമോദന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
കേരള സർവകലാശാല നാക് റി അക്രഡിറ്റേഷന്‍ അന്തർദേശീയതലത്തിലേക്കുള്ള മുന്നേറ്റമെന്ന് മുഖ്യമന്ത്രി
ഉന്നതവിദ്യാഭ്യാസ മേഖലയുടെ ഹബാക്കി മാറ്റാനുള്ള തുടർ നടപടികൾ സ്വീകരിക്കണമെന്നും മുഖ്യമന്ത്രി പറഞ്ഞു. കേരള സർവകലാശാല എ പ്ലസ് പ്ലസ് നേടിയത് ഒരു മധുര പ്രതികാരമാണെന്ന് ഉന്നത വിദ്യാഭ്യാസ മന്ത്രി ആർ. ബിന്ദു പറഞ്ഞു. ഒരു കാലത്ത് വൈസ് ചാൻസലർക്കെതിരെ വലിയ വിമർശനങ്ങൾ ഉയർന്ന് വന്നിരുന്നു, അതിനുള്ള മറുപടി കൂടിയാണിത് എന്ന് മന്ത്രി ആർ.ബിന്ദു കൂട്ടിച്ചേര്‍ത്തു.
